Contact Us

SON XƏBƏRLƏR

"İranda ötən 8 il ərzində məşğulluq faizi sıfır olub"-İqtisadçı

2023.07.08, 14:40
"İranda ötən 8 il ərzində məşğulluq faizi sıfır olub"-İqtisadçı

"Ötən 8 il ərzində İranda işlə məşğulluq faizi sıfır olub. Bu, bir faciədir". Bunu İranın Xarəzmi Universitetinin İqtisadiyyat Fakültəsinin dosenti, tanınmış iqtisadçı Vəhid Şaqaqi Şəhri deyib.

Gunaz.tv

 Vəhid Şaqaqi Şəhri İran iqtisadiyyatında anormal durumun yarandığını bildirib:

“Fürsətləri və vaxtı itirsək, bizim dünya ilə aramızda sivilizasiya çatı daha kəskin və daha çox olacaq. İranın iqtisadiyyatı 50 ildir ki, ancaq neftlə qidalanır. 

Bu müddətdə 1.5 trilyon neft satlıb. Lakin bunun müqabilində rəqabətə dözümlü olmayan, təkəlləşmiş və özəl əvəzinə dövlətə bənzər bir iqtisadiyyat qazanmışıq".

İqtisadçı deyib ki, dünyanın iqtisadi təcili artıb.

"Biz 2010-cu ilədək iqtisadi güc baxımından Türkiyə və Səudiyyə Ərəbistanı ilə eyni idik. Lakin onlarla bizim aramızda çat çox artıb. 

Hazırda Türkiyə iqtisadiyyatı bizimkinin 2 qatıdır. Ərəbistan isə 30-40 faiz bizdən irəli düşüb. Bunun səbəbi İrana sanksiyalardır. İranın iqtisadiyyatında investisiya olunmadı, belə ki, sanksiyalarla uğraşırıq, ona görə də qonşu ölkələr irəlilədirlər"-deyə, o, bildirib. 

 Vəhid Şaqaqi Şəhri deyib ki, vəziyyət belə davam edərsə qonşu ölkələr daha da irəli gedəcəklər: "İran iqtisadiyyatında qeyri-neft ticarət kəsri var. Başqa sözlə qeyri-neft ixracatı idxalatı qarşılamır. 

Bir zamanlar iqtisadi güc baxımından Türkiyə və Ərəbistanla birgə Orta Şərqdə bizim də çəkimiz var idi, lakin indi elə deyil. İqtiadiyyatsız siyasi gücünüz də olmaz"-Şaqaqi belə deyib.

Taymaz

Açar Sözlər :

SEÇİLMİŞ XƏBƏRLƏR

Çox oxunanlar