İranın cümə imamı xalqı hədələdi: "Onlara birbaşa atəş açılacaq"

SON XƏBƏRLƏR

İranın cümə imamı xalqı hədələdi: "Onlara birbaşa atəş açılacaq"

2023.07.29, 14:11

İran hakimiyyətinin səlahiyyətli ruhaniləri hicabını atan xanımlara qarşı zorakılıq çağırışları davam etdirir.

Gunaz.tv

“Şahlıq rejimi vəziyyətini yaratmaq üçün hicabını atmaq istəyən qadına icazə verilməməlidir. Əks təqdirdə “könüllü atəş açma” ilə hərəkətə keçərik". Bunu Gəçsaran rayonunun cümə imamı Seyid Əminulla Hicazi deyib.

Qeyd edək ki, 2019-2020-ci illərdə İranda benzinin qiymətinin artmasına qarşı xaql etirazları siyasi müstəviyə keçmişdi.

Etirazların nəzarətdən çıxacağı ehtimalından qorxuya düşən İranın rəhbəri Əli Xameneyi ilk dəfə könüllü atəş açma anlamında olan “Atəş Be Extiyar” əmrini imzalamışdı.

Bu əmr məmurlara etirazçılara qarşı istənilən vaxtda və istənilən yerdə əmr gözləmədən birbaşa atəş açmaq səlahiyyəti vermişdi.

İranın Kohgiluyə və Boyer Əhməd əyaləti Gəçsaran rayonu cümə namazı imamı höccətül-islam Seyid Əminulla Hicazi iyulun 28-də cümə namazı xütbələrində “Danimarka və İsveçi geri qalmış ölkələr” adlandırıb.

İmam onlara xəbərdarlıq edərək “bir daha Quran yandırma olarsa onları peşman edəcəyik" deyib.

Hicazinin bu fikirləri həmin ölkələrdə aqressiv hərəkətlərə, o cümlədən terror aktlarına rəvac verir.

O, Xameneyidən sitat gətirərək İran İslam Respublikasının xalqa fəxr olunası tək xeyrinin “cümə namazlarının təşkilatlandırılması və keçirilməsi” olduğunu deyib.

Hicazi qeyd edib ki, cümə namazlarının keçirilməsi bütün məsələlərdən önəmlidir.

“Ölkədə hicabı atmaq və it gəzdirmək kimi hərəkətləri görürük. Bu gün sonuncu dəfə deyirəm ki, rəsmilər bu barədə qərar verib işlər görsünlər, hicabı atan qadın ayırd edilməli, qanuni və qətiyyətli qərarlara məruz qalmalıdır.

Əks təqdirdə könüllü atəş açma ilə hərəkətə keçərik”-deyə, o, bildirib.

Taymaz

GUNAZ.TV

SON XƏBƏRLƏR