Contact Us

SON XƏBƏRLƏR

Keçmiş nazir: "Urmu gölü taleyin ümidinə buraxılıb"

2023.08.09, 16:06
Keçmiş nazir: "Urmu gölü taleyin ümidinə buraxılıb"

İranın keçmiş kənd təsərrüfatı naziri, Ekologiya Təşkilatının keçmiş rəhbəri və Urmu Gölünün Bərpası Qərargahının keçmiş başçısı İsa Kələntəri Urmu gölünün bərpa olunmasının vacibliyindən danışıb.

Gunaz.tv

O, bu barədə İran mediasına açıqlamasında deyib.

"Urmu gölü hansı qiymətə başa gəlirsə gəlsin,  bərpa olunmalıdır. İnsanlar ümidsizləşdirilməməlidirlər. Nə əkin sahələrinin suvarılması və nə də başqa hər hansı məsələ Urmu gölünün bərpasından vacib deyil. Kənd təsərrüfatı məhsullarının istehaslının azalması halında belə,  gölün su payı verilməlidir.  Bu edilməzsə,  toz fırtınaları daha böyük fəsadlar yaradacaq",- Kələntəri xəbərdarlıq edib.

O, hazırda Urmu gölünü ağır xəstəyə oxşadıb və onun müalicəsinin mümkün olmasına baxmayaraq, taleyin ümidinə buraxıldığını deyib.

Kələntərinin sözlərinə görə, doğru plan və proqramla Urmu gölünü 15 il müddətinə tamamilə bərpa etmək və normal ekoloji səviyyəyə çatdırmaq mümkündür.

Qeyd edək ki, təxminən 95 faizi quruyan Urmu gölünün sahəsi ötən illə müqayisədə 1139,96 kvadrat kilometr azalaraq, 938,10 kvadrat kilometrə çatıb. 

Bu, uzunmüddətli orta göstəricidən 3729,58 kvadrat kilometr azdır. 

Göldə suyun həcmi ötən ilin müvafiq dövrü ilə müqayisədə 1,41 milyard kubmetr, uzunmüddətli dövrdə isə 15.70 milyard kubmetr azalıb.

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar