Contact Us

SON XƏBƏRLƏR

Ərdəbilli blogerin Təbrizə mesajı sosial mediada trend oldu

2023.08.10, 14:04
Ərdəbilli blogerin Təbrizə mesajı sosial mediada trend oldu

Ərdəbilli bloger Mehdi Şirinin Təbriz günü münasibətilə Təbriz və təbrizlilərə təbrik mesajı sosial mediada trend olub.

Gunaz.tv

Bu barədə güneyli sosial media kanallarında paylaşımlar edilib.

"Mordad ayının 14-ü (5 avqust) Təbriz günüdür. Salam Təbriz, günün mübarək olsun. Birincilər şəhəri, devrimlər yurdu, atalarımızdan, babalarımızdan bizə miras qalan böyük varlığımız, sevgi qibləmiz. Salam dildaşlarıma, salam soydaşlarıma, salam bütün bacı qardaşlarıma, salam Traxturçulara, salam vətənini sevən bütün igidlərimizə. Qocaman Savalan dağının ətəyindən, qeyrət şəhərindən, igidlər yurdundan, Ərdəbildən salam olsun Təbrizə, günün mübarək Təbriz!",- Mehdi Şiri video müraciətində bildirib.

Sosial media istifadəçiləri müraciətin məzmunu iə yanaşı, Mehdi Şirinin Azərbaycan dilində olduqca səlis və təmiz danışmasını xüsusi qeyd edib, başqalarını da bundan nümunə götürməyə çağırıblar.

Qeyd edək ki, bu həm də, Pəhləvi dönəmindən başlayan və hazırda da davam etdirilən Ərdəbillə Təbrizi qarşı-qarşıya qoymaq siyasətinə cavab kimi dəyərləndirildiyi üçün güney Azərbaycana məxsus sosial media kanallarında minlər dəfə paylaşılıb.

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar