Contact Us

SON XƏBƏRLƏR

Tibb işçilərinin İrandan köçü artıb

2023.08.12, 11:56
Tibb işçilərinin İrandan köçü artıb

İranda müəllimlər, alimlər və tibb işçilərinin ölkədən mühacirət statistikası barədə məlumatlara baxmayaraq, hökumət problemin həlli ilə bağlı tədbir görməkdə acizdir.

Gunaz.tv

İran parlamentinin Səhiyyə Komissiyasının üzvü Zəhra Şeyxi hökumətin tibb işçilərinin ölkədən miqrasiyası barədə xəbərdarlıqlara əhəmiyyət vermədiyinin təhlükəli olduğunu deyib.

Bu barədə yerli mediaya müsahibə verən millət vəkili tibb işçilərinin miqrasiyasının törədə biləcəyi problemlər barədə xəbərdarlıq edib.

“Tibb qüvvələrinin ölkədən miqrasiya statistikası dəhşətli səviyyəyə çatıb, həmçinin miqrasiya etmək niyyətində olan mütəxəssislərin və yarımmütəxəssislərin sayı kəskin şəkildə artır”,- şeyxi bildirib.

Bir müddət əvvəl Tibb İşçiləri Birliyinin başçısı Məhəmməd Şərifi Müqəddəm də mediaya verdiyi açıqlamada hər ay orta hesabla 200 tibb işçisinin ölkəni tərk etdiyini deyib.

Bununla yanaşı, qastroenteroloq mütəxəssis Məhəmmədcəfər Fərəhvəş də mediaya verdiyi açıqlamada mütəxəssislərin ölkədən xaricə axınını hakimiyyətin günahı adlandırıb.

"Həkimlərin də məişət problemləri var və onlar ailələrini dolandırmağa məcburdurlar. Onlardan fədakarlıq gözləyib o biri dünyada əvəzi veriləcək kimi sözlərlə yaşamaq mümkün olmur"- deyə, Fərəhvəş tibb işçilərinin əmək haqlarının aşağı olmasından gileylənib.

O, qeyd edib ki, hazırda Səhiyyə Nazirliyindən arayış alan 5 min tibb işçisi ölkədən çıxmağa hazırlaşır.

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar