Contact Us

SON XƏBƏRLƏR

İran-Azərbaycan 36-cı Velosiped Yarışları Turniri posterinin təqdimatı olub

2023.08.14, 14:40
İran-Azərbaycan 36-cı Velosiped Yarışları Turniri posterinin təqdimatı olub

Jurnalistlərin iştirakı ilə keçirilmiş toplantıda İran-Azərbaycan 36-cı Velosiped Yarışları Turnirinin posteri və qısa reklam filminin təqdimatı baş tutub.

Gunaz.tv

“Şərqi Azərbaycan Əyalətindən 3 velosiped turniri Beynəlxalq Velosiped Federasiyasında qeydiyyata alınıb. Onlar ötən may ayında keçirilmiş Mərənd-Araz, hər il keçirilən 1 günlük Gündoğan (Kənduan) və misli olmayan Beynəlxalq İran-Azərbaycan Velosiped Yarışları turnirindən  ibarətdir. 

Turnir 36 -cı dəfə  keçirilən yeganə  beynəlxalq idman hadisəsidir.  Yarışlar  avqustun 26-dan 31-dək davam edəcək.  Şərqi Azərbaycan, Ərdəbil və Qərbi Azərbaycana əyalətləri yrışlara ev sahibliyi edəcək. Hazırda İranın Milli Velosiped Komandası,  23 yaşdan aşağı olan velosipedçilər və Azərbaycan Süngün Mis Zavodunun Velosiped Komandası iştirak edəcəklərini bildiriblər. 

Həmçinin,  turnirdə Beynəlxalq Velosiped Federasiyasında qeydiyyata alınmış komandalar, o cümldən Məşhəd şəhəri Ümidnia Velosiped Komandası  iştirak edəcək.”-deyə Şərqi Azərbaycan Əyaləti Gənclər və İdman Baş İdarəsinin direktoru Həbib Situdənijad açıqlayıb.

“Xarici ölkələrdən Malayziya, Monqolistan, İraq, Yaponiya və Fillipindən 1, Tayland, Qazaxıstan, İndoneziyadan isə 2 komanda iştirak edəcəklərini bildiriblər. Həmçinin,  Türkiyə və Omanın milli velosiped komandaları da iştirak edəcək. Lakin bu iki ölkənin komandalarının iştirak edəcəyi hələ qətiləşməyib. 

Turnirin  baş hakimi Beynəlxalq Federasiyanın təyin etdiyi cənab Məcid Nasiri olacaq. Həmçinin,  Asiya Velosiped Konfederasiyasının katibi, Qazaxıstan və Türkiyənin konfederasiyalarının sədirləri qonaq kimi iştirak edəcələrini bildiriblər.”-deə Situdənijad əlavə edib.

Baş direktor həmçinin İran-Azərbaycan 36-cı Velosiped Yarışlarının bağlanma tədbirləri və mükafatları barədə açıqlama verib.

“Mükafat 20 min avro təyin edilib. Lakin başqa  xərcləri nəzərə alsaq,  turnir üçün 35 min avro lazım olacaq. Turnirin bağlanması tədbiri Təbrizin Eynalı dağında keçiirləcək.” -deyə Situdənijad qeyd edib.

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar