Duzz fırtınası Sofyana çatdı

SON XƏBƏRLƏR

Duzz fırtınası Sofyana çatdı

2023.08.26, 13:08

Urmu gölünün quruması nəticəsində ekoloji fəlakətin miqyası böyüməkdə davam edir.

Gunaz.tv

Şərqi Azərbaycan əyalətinin Sofyan şəhərinin sakinləri sosial mediada paylaşımlar edərək Urmu gölünün qurumuş yatağından baş qaldıran duz fırtınalarının Sofyan şəhərinə çatdığını yazıblar.

Onlar video və fotolar paylaşaraq, Urmu gölündən qalxan duz fırtınalarının Sofyanın bağ və əkin sahələrinə zərər verdiyini bildirirlər.

Paylaşılan video və fotolardan şəhər evlərinin həyət və damlarında ağ duz qatının yarandığı görünür.

Qeyd edək ki, bundan əvvəl ekoloqlar Urmu gölünün quruması nəticəsində duz fırtınalarının bölgədə həyatı iflic edəcəyi barədə dəfələrlə xəbərdarlıq ediblər.

Onlar bildiriblər ki, gölün bərpa edilməyəcəyi təqdirdə bölgədə ekosistem məhv olacaq, duz fırtınaları 14 milyon əhalinin həyatını təhlükəyə atacaq və milyonlarla insanın məcburi köçünə səbəb olacaq.

Timur

GUNAZ.TV

SON XƏBƏRLƏR