Abbas Lisani təhdid edildi

SON XƏBƏRLƏR

Abbas Lisani təhdid edildi

2023.08.26, 14:00

Son vaxtlar İranda ekoloji, siyasi və iqtisadi məsələlərlə bağlı etiraz aksiyalarının çoxaldığı bir vaxtda siyasi və milli fəallara qarşı təzyiqlərdə artıb.

Gunaz.tv

Xüsusilə Urmu gölü ilə bağlı etiraz aksiyalarının artması fonunda Abbas Lisaninin ekoloji fəlakətlə bağlı səsli mesaj yayaraq İran hökumətini günahlandırmasından sonra keçmiş siyasi məhbusa qarşı təxribat və təhdid çıxışları başlayıb.

Bu qəbildən olan təhdidlərdən biri ərdəbilli İrəc Şirzad adlı şəxsin tərəfindən edilib.

Şirzad, video müraciət yayaraq, Abbas Lisanini ölümlə hədələyib və onun başının kəsilməsinin vacibliyini deyib.

Görüntülü müraciətdə "Allahu əkbər" şüarı səsləndirərək siyasi məhbusa qarşı təhdid çıxışı edən İrəc Şirzad bundan əvvəl milli fəalların toplantılarında bir neçə dəfə iştirak edib.

Videodan ərdəbilli gəncin psixoloji problemlərinin olduğu, normal vəziyyətdə olmadığı və hansısa psixotrop maddədən istifadə etdiyi məlum olur.

Bu səbəbə görə də, hökumət məmurlarının onun bu durumundan istifadə edərək Abbas Lisaniyə qarşı istifadə edib, etiraz aksiyalarının genişlənməkdə olduğu bir vaxtda zərərli gündəm yaratmaq istədikləri ehtimal olunur.

Timur

GUNAZ.TV

SON XƏBƏRLƏR