Azərbaycanlı fəal Kiyumərs İslami və ailəsi Ettelaat İdarəsi tərəfindən təhdid edilir

19.08.2018, 18:03

GünAz TV: Azərbaycanlı milli-mədəni fəal Kiyumərs İslami və onun ailə üzvləri Parsabad şəhərinin Ettelaat İdarəsi tərəfindən təhdid və təzyiqlərə məruz qalır.

 

Əldə etdiyimiz məlumata görə, fəala zəng edən Ettelaat əməkdaşları onu bir neçə dəfə idarəyə çağırıb, mədəni fəaliyyətlərindən uzaqlaşması üçün öhdəlik gösterməsini tələb ediblər. Onlar azərbaycanlı fəaldan Ettelaat İdarəsi ilə əməkdaşlıq etməsini də istəyiblər. Ona bildirilib ki, “yalnız bu şəkildə Babək qalası mərasimi ilə bağlı baxılmaqda olan dosyeni bir dəfəlik bağlamaq  mümkündür.”

 

Ettelaat əməkdaşları K.İslaminin tanınmış fəal Abbas Lisani ilə onun iş yerində gösrüşməsindən də narahat olduqlarını qeyd ediblər. Fəala bildirlib ki, görüşdən sosial şəbəkələrdə yayılan şəkillər onun Ettelaat İdarəsindəki dosyesinə əlavə olunacaq.

 

Ettelaat əməkdaşları K.İslaminin ailə üzvlərinə də zəng ediblər. Eyni tələbləri irəli sürən məmurlar fəalın idarəyə müraciət etməyəcəyi təqdirdə ona qarşı ciddi tədbir alınacağını bildirib. İslami Ailəsinə xəbərdarlıq edilib ki, “Kiyumərs bütün mədəni fəaliyyətlərdən uzaq olmalıdır, əks halda fəal və ailənin digər üzvləri bütün ictimai hüquqlardan (məsələn hökumət işində çalışmaq) məhrum olunacaq.”

 

Məlumata görə, K.İslami Ettelaat İdarəsinin bütün tələblərini rədd edərək onlardan qanuna riayət etmələrini və bir daha zəng etməmələrini istəyib.

 

Ettelaat İdarəsi Güney Azərbaycanın müxtəlif şəhərlərində milli-mədəni fəallara qarşı eyni davranışı sərgiləyərək onları mədəni fəaliyətlərdən çəkindirməyə çalışır.

 

Parsabad sakini K.İslami iyulun 3-ü sübh saatlarında, Babək qalası yürüşü ərəfəsində öz evində təhlükəsizlik qüvvələri tərəfindən yaxalanıb, o təxminən 40 gün saxlandıqdan sonra 120 milyon tümənlik mülki vəsiqə qarşılığında müvəqqəti olaraq azadlığa buraxılıb.

 

“Araz” adı ilə tanınan K.İslami Azərbaycanın tarix və mədəniyyəti üzrə gənc araşdırmaçı fəaldır. O bundan əvvəl də Azərbaycan türk millətinin demokratik və milli hüquqları uğrunda apardığı mədəni mübarizəyə görə dəfələrlə təhlükəsizlik qüvvələri tərəfindən saxlanılıb, mühakimə edilib və müxtəlif təzyiqlərə məruz qalıb.

 

Beynəlxalq Əfv Təşkilatı ötən günlərdə təzyiq altında olan azərbaycanlı milli-mədəni fəallarla bağlı geniş bəyanat yayaraq təcridxanada saxlanılan fəalların qeyd-şərtsiz azadlığa buraxılmasını tələb edərək onlara qarşı bütün işgəncə və təzyiqlərin dayandırılmasını istəyib.

 

N.S

 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

“Düşünməyə çağırış”: “Güney Azərbaycanda təbiətə zərər vuran sənaye”-VİDEO

2022-08-15

gun az article

“Azadlıq səsi”ndə müzakirə: “İranın Azərbaycana qarşı terror təhdidi”-VİDEO

2022-08-15

gun az article

Mədəni fəal Əkbər Nəiminin işinə yenidən baxılacaq

2022-08-15

gun az article

Qərbi Azərbaycanda silah-sursat aşkarlanıb

2022-08-14

gun az article

Savalan dağında kürdlərlə türklər arasında qarşıdurma olub-VİDEO

2022-08-14

gun az article

İranın təhlükəsizlik məmurları azərbaycanlı bəhai ailənin evinə basqın edib

2022-08-14

gun az article

Abbas Lisaninin məzuniyyət müddəti uzadılıb

2022-08-14

gun az article

Xudafərində su çatışmazlığı və infrastruktur problemləri həll olunmur

2022-08-13

gun az article

Zəncanda “Dənizsiz Şəhər” türk poeziya toplusu işıq üzü görüb

2022-08-13

gun az article

Marağanın cümə imamı Azərbaycana qarşı ittihamlar səsləndirib

2022-08-13

gun az article

Qəzvinli jurnalist həbs cəzasına məhkum edilib

2022-08-13

gun az article

“Körpü”də müzakirə: “İranın Azərbaycanla bitməyən düşmənçiliyi”-VİDEO

2022-08-13

gun az article

“Sözümüz” proqramında müzakirə: “İranda məhərrəmlikdən sui istifadəçilik” -VİDEO

2022-08-13

gun az article

Savə zindanında iki məhkum edam edilib-Onlardan biri azərbaycanlıdır

2022-08-13

gun az article

Urmu gölü ilə bağlı aksiya keçirilib

2022-08-12

gun az article

Qərbi Azərbaycanda serum tapılmır

2022-08-12

gun az article

İranda daha 3 məhkum edam edilib

2022-08-12

gun az article

İran yığmasının güneyli boksçusu məşq zamanı həyatını itirib

2022-08-12

gun az article

Marağada gənclər arasında işsizlik artıb

2022-08-12

gun az article

Həmədanda kütləvi zəhərlənmə

2022-08-12