Yayılan məlumata görə, hadisə yanvarın 25-i axşam saatlarında Sistan-Bəlucistan əyalətinin Sib və Suran şəhərində baş verib.
Bildirilir ki, həmin şəhərin narkotik qaçaqmalçılığına qarşı mübarizə polisinin rəisi olan Vəhid Saları digər polis əməkdaşları ilə birlikdə bölgədə reyd keçirərkən “Nissan” markalı yük avtomobilində narkotik maddə daşıyan naməlum şəxslər ilə üz-üzə gəliblər.
Atışma nəticəsində Vəhid Saları aldığı güllə yarasından yerindəcə keçinib. Sistan-Bəlucistan hüquq mühafizə qüvvələri silahlı qarşıdurmada qaçaqmalçılardan birinin həlak olduğunu, digərlərinin isə gecə qaranlığından istifadə edərək hadisə yerindən qaçdığını bildirib.
Yayılan məlumatda qaçaqmalçılardan külli miqdarda müxtəlif növ narkotik maddələrin ələ keçirildiyi iddia edilir.
A.M
