Son rəsmi statistikaya görə əyalətin 1700 kəndinin 700-də su qıtlığı hökm sürür.
Muğanın Biləsvar şəhərinin Şəhər Şurasının Ərdəbil əyalətinin Ali Şurasındakı nümayəndəsi Məqsud Vəlizadə mediaya verdiyi açıqlamada problemdən danışıb.
O, hal-hazırda Biləsuvar kəndlərinin 54-də ciddi su qıtlığı olduğunu və bu kəndlərin əhalisinin içməli su tələbatının səyyar su tankerləri vasitəsilə ödənildiyini deyib.
Nir şəhərinin əyalətin Ali Şurasındakı nümayəndəsi Nasir Neməti də oxşar problemin Nir kəndlərində yaşandığını söyləyib.
Nasir Neməti deyib ki, 15 il bundan öncə təməlatma mərasimi keçirilən su təchizatı layihəsi yarımçıq qalıb. Onun sözlərinə görə, bunun nəticəsində Nirin 24 kəndinin içməli suyunun olmamasını qeyd edib.
Ərdəbil əyalətinin Su və Kanalizasiya Şirkətinin başçısı Əlirza Nemət Sultani problem təsdiq edib və hal-hazırda Ərdəbil kəndlərində yaşayan 300 min nəfərin içməli su çatışmazlığından əziyyət çəkdiyini bildirib.
O, əyalət kəndlərində su çatışmazlığının böhran səviyyəsinə çatdığını, bunun həlli üçün ilkin olaraq 670 milyard tümən büdcə lazım olduğunu və məbləğdən ödənilməsinə söz verilən 81 milyard tümənində başçılıq etdiyi şirkətə verilmədiyini deyib.
C.E
