Qeyd edək ki, Zeynəlabdin Rəzəvi Xurrəm İranın yol və şəhərsalma naziri Rüstəm Qaseminin başçılıq etdiyi nümayənin heyətinin tərkibində yanvarın 24-də Azərbaycan Respublikasına səfər edib.
Sərhədyanı əyalətlərin qonşu dövlətlərlə münasibətlərinin inkişaf etdirilməsinin vacibliyindən danışan vali bunu 13-cü hökumətin prioritetlərindən biri adlandırıb.
Azərbaycanın işğaldan azad olunmuş bölgələrinə səfərlərinin nəticələrindən danışan Zeynəlabdin Rəzəvi Xurrəm bunu əlaqələrin artırılması və gücləndirilməsi üçün mühüm addım hesab edib.
“Şirkətlərimizin təcrübələri və Azərbaycan tərəfinin əməkdaşlıqda maraqlı olması ilə bağlı açıqlamaları əsasında qərara alınıb ki, bizim podratçılar və texniki mühəndislik şirkətləri Qarabağın işğaldan azad edilmiş ərazilərinin yenidən qurulmasında fəal iştirak etsinlər”-deyə, Şərqi Azərbaycan valisi bildirib.
Onun sözlərinə görə, görüşlərdə İranın özəl sektoru tərəfindən dəmir yollarının çəkilişi, bölgə ərazilərinin və infrastrukturunun yenidən qurulması, azad edilmiş ərazilərdən iki ölkə arasında yüklərin tranziti, avtomobil körpülərinin, gömrük və dəmir yollarının tikintisi barədə razılıq əldə olunub.
Tərəflər həmçinin Cəbrayılda sənaye şəhərciklərinin saınması, Xudafərin bəndinin enerji turbinlərinin işə salınması və Xudaafərin gömrük keçid məntəqəsinin fəaliyyətə başlaması barədə razılığa gəlib.
Xatırladaq ki, ikinci Qarabağ müharibəsi dövründə rəsmi Tehranın tutduğu ədalətsiz mövqe Arazın hər iki tərəfində yaşayan azərbaycanlıların qınağına səbəb olmuşdu.
Sonrakı mərhələdə Tehran hökuməti özünə qarşı yaratdığı hiddəti nəzərə alaraq, Azərbaycan Respublikası ilə münasibətlərdə daha çox Güney Azərbaycan əyalətləri adından istifadə etməyə çalışır.
Bununla bağlı Qərbi, Şərqi Azərbaycan və Ərdəbil əyalətlərinin valilərinə Azərbaycan Respublikası ilə bağlı münasibətlərdə əlavə səlahiyyətlər verilib.
C.E
