GünazTV: Dekabrın 14-də Qətərdə keçirilən “Doha assosiasiyası”nın dəyirmi masalarından birində iştirak edən ABŞ-ın maliyyə naziri Stiven Mnuçin İrana qarşı maksimum təzyiq siyasətinin müsbət nəticələrindən və rəsmi Tehranın beynəlxalq terrorizmə dəstəyindən danışıb.
O deyib ki, Vaşinqtonun İrana qarşı maksimum təzyiq siyasəti artıq öz bəhrəsini verib: “İrana qarşı tətbiq edilən maksimum təzyiq siyasətində əsas məqsəd, rəsmi Tehranın regionda terrorçu fəaliyyətləri maliyyələşdirməsinin və onun terrorçulara pul göndərməsinin qarşısını almaq idi. Bu siyasət demək olar ki, artıq öz bəhrə və nəticəsini verib.
Biz, regionda sülh və sabitliyin qorunub saxlanılmasının tərəfdarıyıq. Lakin təəssüflər olsun ki, İran rejimi terrorizmi digər ölkələrə ixrac etməklə, öz qonşularına çətinliklər yaradır. Bunun isə qarşısı alınmalıdır” –deyə, Amerikanın maliyyə naziri Stiven Mnuçin əlavə edib.
A.M
