"Banan, un və süd almaq üçün də kredit götürməyə az qalıb"

SON XƏBƏRLƏR

"Banan, un və süd almaq üçün də kredit götürməyə az qalıb" - İranın Şərq qəzeti

2024.02.28, 14:55

Qəzet İran əhalisinin məişətinin daha da pisləşdiyinə kinayə olaraq bir müddət sonra banan, un və süd almaq üçün də kredit götürməyin lazım olacağını deyib.

Gunaz.tv

Qəzetin atmacada məqsədi qarşıdakı Novruz bayramı üçün lazım olanları, o cümlədən çərəz almağa dövlət tərəfidən 20 milyon tümən kredit veriləcəyi ilə bağlı olub.

Şərq qəzeti dövlət tərəfindən kredit verilmə səbəblərini araşdıraraq dövlətin mənzil üçün kredit ayırmalı olduğu halda bayram üçün meyvə və çərəzə kredit ayırdığını vurğulayıb.

Yazının davamında qeyd olunub ki, artıq ət, toyuq və hətta paltarın da satışı təqsitlə olunur.

“Artıq əhalinin gözü qəssabların, paltar, çərəz, bəzək, gigiyena vasitələrini satan mağazaların qapısında TƏQSİTLƏ SATIŞ elanlarına öyrəşib və bu adi hala çevrilib”- deyə qəzet yazıb.

Qeyd edək ki, İran Sənaye və Ticarət Nazirliyinin Ümumi Xidmətlər Ofisinin baş direktoru Məhəmməd Hüseyn Qəməri Novruz bayramı üçün “kredit götürənin etibarlı olduğunu müəyyənləşdirməklə” əhaliyyə kredit veriləcəyini bildirib.

“Kredit götürənin etibarlı olduğunun banklar tərəfindən müəyyənləşdirilməsi ilə ölkə əhalisi bayram üçün alış-veriş məqsədi ilə cari ayda kredit götürə və may ayında geri ödəyə bilər”- deyə Qəməri bildirib.

Taymaz

GUNAZ.TV

SON XƏBƏRLƏR