Contact Us

SON XƏBƏRLƏR

Ərdəbildə məktəb çatışmazlığı davam edir 

2024.04.01, 15:49
Ərdəbildə məktəb çatışmazlığı davam edir 

Ərdəbil əyalətində məktəb çatışmazlığı davam edir və adambaşına düşən təhsil sahəsi ölkə üzrə orta göstəricidən aşağıdır.

Gunaz.tv

Bunu əyalətin Məktəblərinin Təmiri İdarəsinin Baş direktoru Behzad Məhəmmədi deyib.

O, yeni məktəblərin tikintisi üçün yetərli vəsait ayrılmadığı üçün əyalət məktəblərinin 30 faizinin yerli xeyriyyəçilərin hesabına inşa edildiyini bildirib.

Ərdəbil əyalətinin Təhsil İdarəsinin başçısı Kəlamullah Səfəri isə əyalətdə 3661 sinif otağından ibarət 750 məktəbin qəzalı vəziyyətdə olduğunu deyib.

Səfərinin sözlərinə görə, ölkə səviyyəsində ortalama standarta yaxınlaşmaq üçün Ərdəbil əyalətində 6500 yeni sinif otağı inşa edilməlidir.

Qeyd edək ki, uzun illərdir Təhsil Nazirliyinin yerli bölmələri dövlətin yeni məktəblərin tikintisi və köhnə məktəblərin təmiri üçün vəsait ayırmadığını deyirlər.

Bu səbəbdən Azərbaycan əyalətlərində məktəb binalarının çatışmazlığı problemi çox hallarda yerli xeyriyyəçilərin vəsaiti hesabına həll olunur.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar