ABŞ BMT-də İbrahim Rəisiyə həsr olunan tədbiri boykot edəcək

SON XƏBƏRLƏR

ABŞ BMT-də İbrahim Rəisiyə həsr olunan tədbiri boykot edəcək

2024.05.30, 09:00

ABŞ mayın 19-d helikopter qəzasında həlak olan İran Prezidenti İbrahim Rəisinin xatirəsinə həsr olunacaq BMT Baş Assambleyasının keçiriləcək toplantısını boykot edəcək.

Gunaz.tv

Bu barədə “Reuters” mənbələrə istinadən məlumat yayıb.

“Biz bu tədbirdə iştirak etməyəcəyik”, – adının açıqlanmasını istəməyən amerikalı məmur bildirib. O hesab edir ki, BMT “İran xalqını dəstəkləməlidir, onilliklər boyu iranlılara zülm edən birinin xatirəsini hörmətlə yad etməməlidir”.

Bununla yanaşı Birləşmiş Millətlər Təşkilatının bayrağının yarıya endirilməsi də tənqid edilib.

İbrahim Rəisinin vəfatı ilə bağlı rəsmi başsağlığı mesajı göndərdiyi üçün respublikaçılar tərəfindən sərt tənqid edildikdən sonra Amerika hökuməti BMT-nin bu iclasında iştirak etməyəcəyni açıqlayıb.

Xatirə toplantısının mayın 30-da saat 10:00-da (Bakı vaxtı ilə 18:00) keçirilməsi nəzərdə tutulub. Baş Assambleya ənənəvi olaraq vəzifədə olarkən vəfat etmiş hökumət liderlərinin xatirəsini yad etmək üçün belə görüşlərdə toplanır.

Qeyd edək ki, mayın 19-da İran Prezidenti İbrahim Rəisini daşıyan helikopter ölkəsinin Vərziqan şəhəri yaxınlığında qəzaya uğrayıb. Qəzada ölkə prezidenti ilə yanaşı xarici işlər naziri Hüseyn Əmir-Abdullahian, Şərqi Azərbaycan vilayətinin general-qubernatoru Malek Rəhməti, Təbrizin imamı Məhəmməd Əli Haşemin və onları müşayiət edən digər şəxslər ölüb.

GünazTV

GUNAZ.TV

SON XƏBƏRLƏR