Azərbaycanlı müğənniyə görə Ərdəbildə şadlıq sarayı bağlandı

SON XƏBƏRLƏR

Azərbaycanlı müğənniyə görə Ərdəbildə şadlıq sarayı bağlandı

2024.07.02, 15:00

Azərbaycan Respublikasının tanınmış müğənnilərindən olan Damlanın Ərdəbilə səfəri və orada şadlıq saraylarından birində çıxışından sonra həmin yerin fəaliyyəti qadağan edilib.

Gunaz.tv

Bu barədə Ərdəbil əyalətinin prokuroru Calal Afaqi açıqlama verib.

"Qanunları və dəyərləri pozaraq, hakim islam mədəniyyətinə məhəl qoymayan bu müğənni ictimai qaydalara xələl gətirmiş, və əxlaqsızlığın təbliq etmişdir. Həmvətənlərin məhkəmə sistemindən çoxsaylı uyğun olaraq məsələ ciddi şəkildə araşdırılır və ölçü götürülür",- Afaqi deyib.

Qeyd edək ki, azərbaycanlı müğənni Damlanın Ərdəbil səfəri, orada ifası və hicabsız görüntüləri sosial media kanallarında geniş yayılıb.

Bu, bir çoxlarının rəğbəti ilə qarşılaşsa da, radikal dinçi cərəyana mənsub media kanalları bunu qınayıblar.

Onlar Azərbaycan Respublikasından olan müğənninin Ərdəbilə səfərinə icazə verilməsini tənqid edib, bunun İran mədəniyyətinə qarşı təbliğat olduğunu iddia ediblər.

"Azəri-İrani sənətçilər Azərbaycan Respublikası və Türkiyəyə təsir qoymalıdırlar, ancaq bunun əksinin şahidiyik, azərbaycanlılar İrana təsir göstərirlər və biz isə yatmışıq",- paylaşımlarda Azərbaycan mədəniyyət xadimlərinin Güney Azərbaycan və İrana mədəni təsirlərinin təhlükəsi barədə xəbərdarlıq ediblər.

GünazTV

GUNAZ.TV

SON XƏBƏRLƏR