Contact Us

SON XƏBƏRLƏR

Qızılhisar həbsxanasında 22 məhkum edam edildi

2024.08.07, 14:06
Qızılhisar həbsxanasında 22 məhkum edam edildi

Bu gün avqustun 7-i səhər saatlarında Kərəc şəhərinin Qızılhisar həbsxanasıda 22 məhkum edam edilib.

Gunaz.tv

Bu barədə insan haqları təşkilatları həbsxanadakı mənbələrə istinadən məlumat yayıblar.

Dar ağacından asılan məhbusların qətldə və narkotik maddələrin alverində ittiham olunduqları bildirilib.

Edam edilənlərdən 3-ü Əfqanistan vətəndaşı, 7-i isə sünni məzhəbli şəxslərdir.

Bəzi insan haqları fəalları edam edilənlərdən bir neçəsinin siyasi ittihamlarla həbs olunduqlarını yazıblar.

Onların sözlərinə görə, hakimiyyət siyasi məhbusların edamının geniş etirazlara səbəb olduğuna görə, onların barələrində saxta narkotik maddə alveri ittihamının irəli sürüldüyünü bildirirlər.

İran məhkəməsi və rəsmidövlət mediası edamlarla bağlı açıqlama verməyib.

Qeyd edək ki, cari ilin ilk 7 ayı ərzində İran həbsxanalarında 338 məhkum edam edilib.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar