Pezeşkianın israilli tədqiqatçı ilə görüşü qalmaqal yaratdı

SON XƏBƏRLƏR

Pezeşkianın israilli tədqiqatçı ilə görüşü qalmaqal yaratdı

2024.09.26, 15:23

İran Prezidenti Məsud Pezeşkian Nyu Yorkda təşkil olunan "Dünya sülhünün bərqərar olmasında ilahi dinlərin rolu" konfransında ABŞ-da yaşayan israilli universitet müəllimi Liver Sternfeldlə görüşü İran mediasında qalmaqal yaradıb.

Gunaz.tv

Bu, İran mediası və sosial media platformalarında ən çox müzakirə olunan mövzuya çevrilib.

Məsələnin ictimailəşməsi və tənqidlərin artmasından sonra İranın Birləşmiş Millətlər Təşkilatındakı nümayəndə heyəti bəyanat yayaraq, Liver Sternfeldin israilli olmasından xəbərsiz olduqlarına görə, onun Prezidentlə görüşə buraxıldığını iddia edib.

"O, yəhudilik, islam və İran sahəsində uzun müddət tədqiqatlar apardığına və anti-sionist fəaliyyətlərinə görə konfransa dəvət edilib",- bəyanatda bildirilib.

Penselvaniya Universitetinin müəllimi Liverr Sternfeld isə İran tərəfinin iddialarını təkzib edib.

"Anlaşılmamazlıq olmasın deyə, ilk gündən İran İslam Respublikasının nümayəndələrinə israilli və yəhudi olduğumu bildirmişəm, onlar isə bunun problem olmadığını deyiblər, buna görə də, konfransda iştirak etmək üçün mənə dəvətnamə göndəriləndə çox təəccübləndim",- Sternfeld İsrailin "Haarts" qəzetinə açıqlamasında bildirib.

Qeyd edək ki, həmin knfransda Liver Sternfelddən başqa bir neçə başqa yəhudi də iştirak edib, ancaq yalnız Sternfeld konfransda çıxış edib və tədbirin sonun Məsud Pezeşkianla üz-üzə söhbət edib.

İranın mühafizəkar siyasi cərəyanına mnsub olan bir sıra media qrumları israilli tədqiqatçının kpnfransa dəvət edilməsi və Pezeşkianla söhbətləşməsini öncədən planlaşdırılmış hərəkət olduğunu bildiriblər.

Onlar, Prezidentin ikibaşlı siyasət yürütdüyünü və israilli alimlə görüşməklə İsrailə, qərbə anlaşmaq istədiyi barədə bu vasitə ilə mesaj verdiyini iddia edirlər.

Mühafizəkarların fikrincə, Pezeşkianın və onun komandasında olan qərblə danışıq tərəfdarlarının bu addımı İran rəhbəri Əli Xaməneinin xarici siyasətlə bağlı təlimatları ilə ziddiyyət təşkil edir.

Bu isə Məsud Pezeşkiana qarşı Nyu-York səfərindən sonra başlanan tənqid kampaniyasının daha da şiddətlənməsinə səbəb olub.

GünazTV

GUNAZ.TV

SON XƏBƏRLƏR