Contact Us

SON XƏBƏRLƏR

Metyu Miller sülhlə bağlı açıqlama verdi

2024.10.16, 11:46
Metyu Miller sülhlə bağlı açıqlama verdi

ABŞ Azərbaycan və Ermənistan arasında mümkün sülh sazişini heç vaxt COP29 ilə əlaqələndirməyib.

Gunaz.tv

Günaz.tv Trend İnformasiya Agentliyinə istinadən xəbər verir ki, bunu ABŞ Dövlət Departamentinin sözçüsü Metyu Miller brifinq zamanı deyib.

“Biz heç vaxt razılaşmanı COP29 ilə əlaqələndirməmişik. Biz Ermənistanla Azərbaycan arasında sülh sazişinin imzalandığını bir neçə ay əvvəl görmək istəyirdik və sülh sazişinin imzalanmasına çalışırdıq. Sonunda sazişin imzalanacağına ümid edirik. Amma bu, ABŞ-dan deyil, iki tərəfdən asılıdır”, - deyə o bildirib.

Xatırladaq ki, sentyabrın sonunda ABŞ dövlət katibi Antoni Blinken BMT Baş Assambleyasının yüksək səviyyəli həftəsi çərçivəsində Nyu-Yorkda Ermənistanın xarici işlər naziri Ararat Mirzoyan və Azərbaycanın xarici işlər naziri Ceyhun Bayramov ilə üçtərəfli görüş keçirib.

E.Blinken Ermənistan və Azərbaycanın davamlı sülh yolunda əldə etdiyi tərəqqini yüksək qiymətləndirib və hər iki ölkəni sazişin mümkün qədər tez yekunlaşdırılması istiqamətində gələcək irəliləyişə çağırıb. Dövlət katibi vurğulayıb ki, sülh sazişi regiona daha böyük sabitlik və firavanlıq gətirəcək.

Açar Sözlər :

SEÇİLMİŞ XƏBƏRLƏR

Çox oxunanlar