Contact Us

SON XƏBƏRLƏR

Ərdəbildə ekoloji problem - Qarasu çayı çirkləndirilir

2024.10.31, 11:19
Ərdəbildə ekoloji problem - Qarasu çayı çirkləndirilir

Ərdəbil şəhərindən keçən Qarasu çayı çirkab suları və sənaye tullantıları ilə çirkləndirilir.

Gunaz.tv

Bu barədə yerli ekofəallar məlumat yayıblar.

Məlumata görə, Ərdəbilin 2 saylı sənaye şəhərciyinin zəhərli tullantılarının çaya buraxılması səbəbindən şəhər və ətraf bölgələrdə müxtəlif xəstəliklərin yayılıb.

Bununla yanaşı, ətraf bölgələrdəki 100 kəndin əkin sahələrinin suvarılmasında istifadə olunan çirklənmiş suyun kənd təsərrüfatına ziyan vurduğu deyilir.

Kəndlərin sakinləri bildirirlər ki, bundan öncə əlaqədar qurumlara dəfələrlə məktub yazıb,  sənaye şəhərciyinin rəhbərliyinə müraciət etsələr də, heç bir müsbət nəticə ala bilməyiblər.

“Sənaye şəhərciyinin çirkli və kanalizasiya sularının Qarasu çayına axıdılması çayda olan balıqların və digər canlıların məhv olmasına, bölgənin ekosisteminin dəyişməsinə və ətrafdakı əkin sahələrinin yararsız hala düşməsinə səbəb olub”,- deyə kəndlilər sosial mediadakı paylaşımlarda yazıblar.   

Qeyd edək ki, Savalan dağının ətəklərindən qaynaqlanan və Ərdəbil şəhərinin içindən keçərək 210 kilometr uzunluğundakı Qarasu çayı ilə birləşən Balıqlıçay Ərdəbilin təbii simvollarından biri sayılır.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar