Bu barədə ABŞ Ədliyyə Nazirliyinin mətbuat xidməti məlumat yayıb.

Bildirilib ki, qurum İran hakimiyyətinin bəyənmədiyi insanları sıradan çıxarmaq məqsədi ilə yaranmış şəbəkəyə rəhbərlik edən İran vətəndaşı Fərhad Şakeriyə qarşı ittiham irəli sürüb.

“Bu gün elan edilən ittihamlar İranın ABŞ vətəndaşlarını, o cümlədən yeni seçilmiş prezident Donald Trampı, digər hökumət liderlərini və Tehran rejimini tənqid edən dissidentləri hədəf almaq üçün davam edən səylərini ifşa edir”, - Federal Təhqiqat Bürosunun (FTB) direktoru Kristofer Rey qeyd edib.

Onun sözlərinə görə, “SEPAH” amerikalılarla qarşı müxtəlif cinayət törətmək üçün canilərlə danışıqlar aparıb. Müstəntiqlərin fikrincə Fərhad Şakiri və onun şərikləri Karlayl Rivera və Conatan Loudholt İran hökumətinə açıq şəkildə qarşı çıxan İran əsilli Amerika vətəndaşını öldürməyi planlaşdırırmışlar.

Karlayl Rivera və Conatan Loudholt Nyu-Yorkda saxlanılıblar və məhkəməyə qədər həbs olunublar. Saxlanılan Şakeri etiraf edib ki, SEPAH tərəfindən ona ABŞ-ın yeni seçilmiş prezidentinə qarşı sui-qəsd planı hazırlamaq tapşırılıb.

“SEPAH hökumət liderinin nəzarəti altında fəaliyyət göstərən və Qüds Gücü adlı xarici əməliyyat qüvvələrini özündə birləşdirən İslam Respublikasının hərbi və əks-casus qurumudur. ABŞ Dövlət Departamenti 15 aprel 2019-cu ildə SEPAH-ı xarici terror təşkilatları siyahısına daxil edib. İnqilab Mühafizəçiləri açıq şəkildə Süleymaninin ölümünə görə qisas almaq istəyir və digər fəaliyyətləri ilə yanaşı, ABŞ-da və xaricdə yaşayan Amerika vətəndaşlarını hədəf almaq üçün bir sıra sərhədyanı əməliyyatlar planlaşdırıb həyata keçirib",- Ədliyyə Nazirliyinin bəyanatında qeyd olunub.

ABŞ Ədliyyə Nazirliyinin məlumatına görə, Donald Trampa qarşı terror planında iştirakda adı çəkilən Fərhad Şakiri Tehranda yaşayan SEPAH əməliyyatçılarından biridir. O, uşaq ikən ABŞ-a mühacirət edib və oğurluğa görə 14 il həbsxanada yatdıqdan sonra 2008-ci ildə deportasiya edilib.

ABŞ Ədliyyə Nazirliyinin bəyanatında vurğulanır ki, Fərhad Şakirinin hüquq-mühafizə orqanları ilə qeydə alınmış müsahibələrində verdiyi ifadələrə əsasən, SEPAH ona ABŞ-da yaşayan digər Amerika və İsrail vətəndaşlarını öldürmək vəzifəsini tapşırıb.

Şakiri hüquq-mühafizə orqanlarına bildirib ki, 7 oktyabr 2024-cü ildə ona Donald Trampa sui-qəsd planlaşdırmaq tapşırılıb, ancaq o planın SEPAH-ın təyin etdiyi vaxtda həyata keçirilməsinə qarşı çıxıb.

O, həmçinin Nyu-Yorkda yaşayan iki amerikalı yəhudi vətəndan casusluq etmək barədə tapışırıq aldığını və SEPAH rəsmisinin bu insanların hər birini öldürmək üçün 500.000 dollar təklif etdiyini açıqlayıb. Bununla yanaşı na Şri-Lankada israilli turistləri hədəfə almaq da tapşırılıb.

Ədliyyə Nazirliyinin bəyanatına görə, Şakiri, Rivera və Ludholt maksimum 10 il həbs cəzası nəzərdə tutan “qətl üçün işə götürmə”də və çirkli pulların yuyulması üçün maksimum 20 il həbs cəzası nəzərdə tutan maddələrlə ittiham olunublar.

Yayımlanan ittihamnamədə Şakiri həmçinin xarici terror təşkilatına maddi dəstək verməkdə və Beynəlxalq Fövqəladə İqtisadi Güclər Aktını və İran hökumətinə qarşı sanksiyaları pozmaqda ittiham olunur. Bu iki ittihamın hər biri üçün maksimum cəza 20 il həbsdir.

GünazTV