İlon Mask İran rəsmisi ilə görüşüb?

SON XƏBƏRLƏR

İlon Mask İran rəsmisi ilə görüşüb? - İranlılar etiraz etdi

2024.11.15, 10:46

İlon Mask, İranın BMT-dəki səfiri Əmir Səid İrvani ilə görüşüb və onunla Tehran və Vaşinqton arasında gərginliyin azaldılması yollarını müzakirə edib.

Gunaz.tv

Bu barədə "The New York Times" adı açıqlanmayan iki İran rəsmisinə istinadən məlumat yayıb.

Məlumata görə, İlon Maskın istəyi ilə baş tutan bu görüş bir saatdan çox davam edib və İrvaninin seçdiyi gizli bir yerdə keçirilib.

"The New York Times"a məlumat verən İranın bu iki rəsmisi İlon Mask və İrvani arasında keçirilən görüşü “müsbət” və “xoş xəbər” kimi qiymətləndiriblər.

İlon Mask qəzetin gizli görüşlə bağlı suallarını cavablandırmayıb.

“The New York Times” qəzetinin görüşlə bağlı xəbərlərin doğruluğu ilə bağlı sualına cavab olaraq Donald Trampın kommunikasiyalar üzrə direktoru Stiven Çunq da görüşün olub-olmaması ilə bağlı konkret fikir bildirməkdən imtina edib.

“Biz baş tutan və ya olmayan şəxsi görüşlərlə bağlı xəbərləri şərh etmirik”,- o bildirib.

İranın BMT-dəki nümayəndə heyəti bu görüşü açıq şəkildə şərh etməyəcəyini bildirib.

Xəbərin dərcindən sonra İranda Demokratiya Uğrunda Milli Birlik bəyanat yayaraq İlon Maskın İran nümayəndəsi ilə görüşünü tənqid edib.

"İlon Mask dünyada dövlət terrorizminin ən böyük dəstəkçisi olan bir hökumətin nümayəndəsi ilə deyil, İran xalqının real nümayəndələri ilə görüşməli və onların Starlink internetinə çıxış yollarını tapmalıdır",- bəyanatda bildirilib.

Bəyanat müəllifləri İran hökumətini Yaxın Şərqin qəssabları adlandırıb, Tehran rejiminin İran daxilində X platformasına qadağan edildiyinə və Donald Trampa sui-qəsd cəhdlərinə diqqət çəkərək, İran rəsmilərinin ABŞ-ın milli təhlükəsizliyi və iqtisadiyyatına təhdid olduğunu xatırladıblar.

Qeyd edək ki, İ.Maskın İran nümayəndəsi ilə görüşü barədə iddialara baxmayaraq, Donald Trampın yeni administrasiyasının əsas üzvləri arasında İrana qarşı sərt mövqeləri ilə tanınan siyasətçilərin də adı var.

GünazTV

GUNAZ.TV

SON XƏBƏRLƏR