Yəhudi din xadiminin meyiti tapılıb - İrandan şübhələnilir

SON XƏBƏRLƏR

Yəhudi din xadiminin meyiti tapılıb - İrandan şübhələnilir

2024.11.25, 13:16

Birləşmiş Ərəb Əmirlikləri (BƏƏ) rəsmiləri oyabrın 21-də Əbu-Dabidə itkin düşən Xabad-ın (yəhudi dini hərəkatı) nümayəndəsi Zoy Koqanın cəsədinin tapıldığını açıqlayıb.

Gunaz.tv

Məlumat İsrailin Baş Nazirlik Ofisi və Xarici İşlər Nazirliyinin birgə bəyanatında təsdiqlənib.

İsrail bu qətli yəhudilərə qarşı terrorizmin çirkin nümunəsi adlandırıb və qatillərin məsuliyyətə cəlb edilməsi üçün bütün mümkün vasitələrdən istifadə edəcəyinə söz verib.

Koqan İsrail-Moldova ikili vətəndaşlığına malik idi və 2020-ci ilin sonunda İsrail-BƏƏ münasibətlərinin normallaşmasından bəri Əbu-Dabidəki Xabad filialının üzvü idi.

Məlumatlara görə, bundan əvvəl İranın kəşfiyyat xidmətinin Koqanı axtarışa verildiyini göstərən sübutlar var.

“Vala” xəbər saytı İsrail təhlükəsizlik mənbələrinə istinadən yazır ki, Koqanın öldürülməsində İranın təhlükəsizlik qüvvələrinin əli olması ehtimalı yüksəkdir.

Bununla yanaşı bəzi məlumatlara görə, İsrail rəsmiləri bir qrup Özbəkistan vətəndaşının Koqanı öldürdükdən sonra Türkiyəyə qaçmasından şübhələnirlər.

İranın Əbu-Dabidəki səfirliyi noyabrın 24-də "Reuters" agentliyinə verdiyi açıqlamada, Tehranın Birləşmiş Ərəb Əmirliklərində israilli ravvin Zoy Koqanın öldürülməsində iştirakına dair xəbərləri təkzib edib.

Qeyd edək ki, SEPAH-ın "Qüds" briqadası Orta Asiya ölkələrinin, o cümlədən Özbəkistan vətəndaşlarından ibarət "Kətaib Hizbullah" adlı terror qruplaşması yaradıb.

"Qüds" briqadasının 400-cü bölməsinin nəzdində qurulan "Kətaib Hizbullah" cari ayda özünün "Terror" Alaram" sosial media hesabında Orta Asiya və başqa yerlərdə yəhudilərə qarşı təhdidkar paylaşımlar edib.

Terror qruplaşmasının təmsilçisi Məhəmmədəli Burhanov Tehranın "Əlmustafa" Universitetində təhsil alıb.

Həmin Universitet dünyanın 60 ölkəsindən radikal gənclərin təhsili və onların İranın siyasi-ideolojik maraqlarına, terror planlarına xidmət edən gənclərin cəlb olunduğu mərkəzdir.

GünazTV

GUNAZ.TV

SON XƏBƏRLƏR