Contact Us

SON XƏBƏRLƏR

Bəşər Əsədin geridə qoyduğu MİLYARDLAR ...

2024.12.09, 15:22
Bəşər Əsədin geridə qoyduğu MİLYARDLAR ...

Suriyanı tərk edən diktator Bəşər Əsədin hazırda Rusiyada olduğu ehtimal edilsə də, ölçüyəgəlməz sərvətinin böyük hissəsinin ölkədə qaldığı dəqiqdir.

Gunaz.tv

Mövzu ilə bağlı Müsavat.com geniş hesabat paylaşıb.

Maliyyə məsələləri üzrə ixtisaslaşmış ensiklopediya olan “Investopedia” 10 il öncə, 2014-cü ildə 5 ərəb prezidentin var-dövləti haqda hesabat dərc etmişdi. Siyahıda birinci Müəmmər Qəzzafi, ikinci Bəşər Əsəd, üçüncü Hüsnü Mübarək, dördüncü Abdullah Saleh və beşinci Zeynal-Abidin ben Əli idi. Həmin siyahıdan son günlərə qədər hakimiyyətdə yalnız Bəşər Əsəd qalmışdı.

“Investopedia” Bəşər Əsəd ailəsinin əsas vəsaitlərinin əslində 122 milyard dollara çatdığını hesablamışdı. Bu maliyyənin mənbəyi enerji resursları, torpaq və lisenziyaların satışı kimi göstərilmişdir.

Bəşər Əsədin varidatının bu gün Suriyanın 7 illik dövlət büdcəsinə bərabər olduğu deyilir. Onun Böyük Britaniya, Rusiya, Dubay, Livan və Honkonqda daşınmaz əmlaklarının, bank hesablarının varlığı haqda məlumatlar var. Bu aktivləri prezidentin yaxın qohumları Suriya iqtisadiyyatının böyük hissəsinə nəzarət edən şirkətlər vasitəsilə idarə edirlər. Bəşər Əsəd ailəsinin bilinən real sərvəti 5 milyard avro, 16 milyard dollar, 200 ton qızıl həcmindədir. Onun Böyük Britaniyada dondurulmuş 100 milyon funt sterlinqi də var.

Üsyançıların ələ keçirdiyi Dəməşqdə çəkilən videokadrlardan birində Bəşər Əsədin lüks avtomobillərinin olduğu qaraj da yer alıb. Qarajda 100-ə yaxın, bir-birindən bahalı maşınlar var.

Dünyanın aparıcı avtomobil şirkətlərinin istehsalı olan bu maşınların qiyməti 200 min dollardan başlayır, aralarında qiyməti 1 milyon dolları ötənləri də var.

 

 

GunazTV

 

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar