Xamənei Əsədin süqutuna münasibət bildirdi - Burada qonşu ölkənin də rolu var

SON XƏBƏRLƏR

Xamənei Əsədin süqutuna münasibət bildirdi - Burada qonşu ölkənin də rolu var

2024.12.11, 12:43

İran rəhbərii Əli Xamənei bu gün Bəşər Əsəd rejiminin süqutuna ilk dəfə münasibət bildirib.

Gunaz.tv

O, Suriyada baş verənlərlə bağlı çıxış edib.

Əli Xamənei Suriyada baş verənlərin Amerika və İsrail tərəfindən planlaşdırıldığını iddia edib. .

İran rəhbəri ad çəkmədən Türkiyəni də Bəşər Əsədin devrilməsində ittiham edib.

"Əlbəttə ki, bu hadisələrin baş verməsində Suriyaya qonşu olan ölkənin də rolu olub",- o, deyib.

Xamənei çıxışının davamında yenə də qələbədən danışıb və "müqavimət cəbhəsi" adlandırdığı İranın bölgədəki proksi qüvvələrinə motivasiya verməyə çalışıb.

İran rəhbəri "müqavimət cəbhəsi" adlandırdığı bölgədə özünə bağlı terror qruplaşmalarının qələbə qazanacaqlarından və təzyiqlər qarşısında dahada güclənəcəklərindən, bütün bölgəyə yayılacaqlarından danışıb.

Əli Xamənei, Bəşər Əsədin süqutundan sonra İranın gücsüzləşdiyini deyənləri "cahil" adlandırıb, bunun belə olmadığını, İranın dahada güclənəcəyini iddia edib.

Qeyd edək ki, Bəşər Əsədin devrilməsindən sonra İran hakimiyyəti içində, xüsusən SEPAH-da qarşıdurmaların yarandığı barədə məlumatlar yayılıb.

Bir sıra rəsmilər və SEPAH komandirləri SEPAH-ın Qüds qüvvələrinin komandiri İsmayıl Qaanini Suriya ilə bağlı tədbir görməməkdə və hadisələri Tehrandan izləməkdə günahlandırırlar.

Komandirlərin və rəsmilərin bir qismi isə İran hökumətini Suriya ilə bağlı hesablamalarda ciddi səhvlərə yol verməkdə ittiham edirlər.

GünazTV

GUNAZ.TV

SON XƏBƏRLƏR