SON XƏBƏRLƏR

İran məhkəməsi SEPAH-la əlaqə quran amerikalı jurnalistə ağır həbs cəzası verdi

2024.12.14, 14:00
İran məhkəməsi SEPAH-la əlaqə quran amerikalı jurnalistə ağır həbs cəzası verdi

Tehran İnqilab Məhkəməsi İran əsilli amerikalı jurnalist və "Radio Fərda"nın keçmiş müxbiri Rza Vəlizadəni 10 il müddətinə azadlıqdan məhrum edib.

Gunaz.tv

Bu barədə insan haqları təşkilatları məlumat yayıb.

Bildirilib ki, jurnalistin həbs cəzasından əlavə Tehran və ona qonşu əyalətlərdə yaşamasına, həbs cəzası bitdikdən sonra iki il müddətinə ölkəni tərk etməsinə, ictimai siyasi partiya və qruplara üzv olmasına qadağa qoyulub.

Jurnalist "düşmən ABŞ hökuməti ilə əməkdaşlıq"da günahlandırıldığına görə cəzalandrılıb.

Qeyd edək ki, Radiofarda-da 10 il işlədikdən sonra 2022-ci ilin noyabrında bu mediadan istefa verən Rza Vəlizadə bir müddət xaricdə qaldıqdan sonra ailəsini ziyarət etmək üçün İrana qayıdıb və bu ilin 22 sentyabrnda həbs edilib.

Onun yaxınları jurnalistin İranın təhlükəsizlik məmurları tərəfindən aldadılaraq ölkəyə qaytarıldığını deyiblər.

"O, təhlükəsizlik tələsinə düşüb və bəzi təhlükəsizlik qüvvələri onunla telefon danışığı zamanı İranda heç bir problem yaşamayacağını vəd etsələr də, bir müddət sonra o həbs olunub və bu ağır cəza ilə üzləşib",- Vəlizadənin yaxınları bildiriblər.

ABŞ Xarici İşlər Nazirliyi Vəlizadənin Amerika vətəndaşı kimi həbsini pisləyib və bu hərəkəti qəddar və beynəlxalq qanunlara zidd hesab edib.

Qeyd edək ki, Rza Vılizadənin yaxın çevrəsinin dediyinə görə, o Amerikada olduğu zaman SEPAH-ın təhlükəsizlik və kəşfiyyat bölməsinin əməkdaşları ilə əlaqəyə girib, ancaq onlar jurnalistə rəsmi zəmanət vermədən o İrana qayıdıb.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar