İDDİA: Bəşər Əsəd Rusiyaya tonlarla dollar daşıyıb

SON XƏBƏRLƏR

İDDİA: Bəşər Əsəd Rusiyaya tonlarla dollar daşıyıb

2024.12.16, 11:32

Suriya prezidenti Bəşər Əsədin mərkəzi bankı Rusiyaya 250 milyon dollar nağd pul köçürüb.

Gunaz.tv

"Financial Times" xəbər verir ki, əməliyyatlar Suriyanın o vaxtkı liderinin hərbi dəstəyə görə Kremlə borclu olduğu iki il müddətində həyata keçirilib. Yeni iddia Suriya-Rusiya əlaqələrinin yüksək səviyyədə qurulduğunu sübut edir. Bu xəbər Bəşər Əsədin üsyançı qruplar tərəfindən devrildikdən sonra Rusiyaya qaçmaq səbəbini aydınlaşdırır.

“Financial Times” qəzetinin üzə çıxardığı yeni məlumatlar göstərir ki, Əsəd rejimi xarici valyuta çatışmazlığına baxmayaraq, Moskvanın Vnukovo hava limanına təxminən iki ton ağırlığında 100 dollarlıq əskinaslar aparıb.

Valyuta 2018-2019-cu illər arasında Qərbin sanksiyasına məruz qalan banklarda saxlanılıb. Hesabata görə, Əsəd rejimi 2018-ci ilin martından 2019-cu ilin sentyabrına qədər Rusiyaya ABŞ və avro əskinaslarının toplu daşınmasını həyata keçirib. 2019-cu ilin mayında Suriya mərkəzi hökuməti adından 10 milyon dollarlıq 100 dollarlıq əskinas daşıyan təyyarə göndərilib.

"Financial Times" xəbər verir ki, ümumilikdə, 2018-ci ilin martından 2019-cu ilin sentyabrına qədər 250 milyon dollardan çox məbləğdə ən azı 21 uçuş həyata keçirilib. 2018-ci ilə qədər Suriyanın mərkəzi bankı ilə Rusiya bankları arasında belə nağd pul köçürmələri olmayıb.

Şahin Elxanoğlu

GUNAZ.TV

SON XƏBƏRLƏR