BMT Təhlükəsizlik Şurasında İranın nüvə proqramı müzakirə olundu

SON XƏBƏRLƏR

BMT Təhlükəsizlik Şurasında İranın nüvə proqramı müzakirə olundu

2024.12.18, 11:09

Almaniya, Britaniya, Fransa və ABŞ xəbərdarlıq ediblər ki, İran davamlı olaraq Birgə hərtərəfli Fəaliyyət Planı öhdəliklərindən uzaqlaşır və İranın nüvə proqramının genişləndirilməsini dayandırmaq üçün əməli addımlar atmağın vaxtı çatıb.

Gunaz.tv

Bu barədə adı çəkilən ölkələr BMT Təhlükəsizlik Şurasının 2231 saylı Qətnamənin və JCPOA sazişinin icrasının nəzərdən keçirilməsi üçün iclası zamanı bildiriblər.

İclasın əvvəlində Birləşmiş Millətlər Təşkilatının Baş katibinin müavini Rozmari DiKarlo BMT-nin Baş katibi Antonio Quterreşin 18-ci məruzəsini oxuyub.

BMT rəsmisi dünya güclərindən və İrandan Tehranın nüvə proqramını məhdudlaşdırmaq müqabilində bu ölkəyə qarşı sanksiyaları ləğv edən 2015-ci ildə imzalanmış razılaşmanın bərpası üçün mümkün qədər tez işləməyi tələb edib.

Avropa Birliyinin Təhlükəsizlik Şurasındakı nümayəndəsi Stavros Lambrinidis də İranın nüvə silahı əldə etməməsi və ya inkişaf etdirməməsinin təmin edilməsinin Avropa Birliyinin əsas təhlükəsizlik prioritetlərindən biri olduğunu bildirib.

ABŞ-ın Təhlükəsizlik Şurasındakı səfirinin müavini Robert Vud da xəbərdarlıq edib ki, “İran Yaxın Şərqdə və dünyanın digər bölgələrində münaqişə və qeyri-sabitliyi qızışdırmağa davam edir və onun nüvə fəaliyyətləri hələ də ciddi narahatlıq doğurur”.

İranın hədəflərinin dinc və mülki məqsədlər üçün olduğunu iddia etdiyininə diqqət çəkən Vud, qeyd edib ki, Beynəlxalq Atom Enerjisi Agentliyinin hesabatı bu iddianın doğruluğunu şübhə altına alır.

“Diplomatiyanın ən yaxşı variant olmasına baxmayaraq, ABŞ dəfələrlə İranın nüvə silahıma yiyələnməsini qəbul etməyəcəyini bəyan edib. Biz İranın nüvə silahı əldə etməsinin qarşısını almaq üçün gücümüzün bütün vasitələrindən istifadə etməyə hazırıq”,- o vurğulayıb.

Qeyd edək ki, BMT-nin nüvə nəzarəti orqanı olan Beynəlxalq Atom Enerjisi Agentliyi elan edib ki, İran bu ay uranın zənginləşdirilməsini 60 faiz səviyyəsinə çatdırıb, bu da nüvə silahı əldə etmək üçün tələb olunan 90 faizə yaxındır.

Qərb ölkələri bildirirlər ki, heç bir mülki proqramda uranın bu qədər yüksək səviyyədə zənginləşdirilməsinə ehtiyac yoxdur və heç bir başqa ölkə nüvə bombası istehsal etmədən uranı bu səviyyədə zənginləşdirmir.

GünazTV

GUNAZ.TV

SON XƏBƏRLƏR