İranın silah qaçaqmalçılıq şəbəkəsi ifşa edildi

SON XƏBƏRLƏR

İranın silah qaçaqmalçılıq şəbəkəsi ifşa edildi

2024.12.21, 15:21

Ürdün çayının qərb sahilinə silah qaçaqmalçılığının iki yolu var idi: birincisi Suriyadan keçərək Ürdünə; ikinci marşrut Suriyadan, Lübnandan keçərək birbaşa İsrailin daxilinə.

Gunaz.tv

Kəşfiyyat və Terror İnformasiya Mərkəzinin yeni araşdırmasına görə, İranın Suriya, Livan və Ürdün çayının qərb sahilinə silah qaçaqmalçılığı marşrutları HƏMAS-dan bu yaxınlarda ələ keçirilən sənədlər vasitəsilə üzə çıxıb.

Sənədlərdə Ürdündə HƏMAS qaçaqmalçılıq şəbəkəsinin çökməsi və terror təşkilatı ilə İran rejiminin İsrailə qarşı daha bir cəbhəni alovlandırmaq üçün İordan çayının qərb sahilinə silah ötürməyə cəhd etməsinin təfərrüatları açıqlanıb.

İordan çayının qərb sahilinə qaçaqmalçılıq əsas iki strategiya tətbiq edilərək həyata keçirilib. Birinci strategiya silahları Suriyadan keçirərək Ürdünə göndərmək. Daha sonra silahlar bədəvi qaçaqmalçılarına təhvil verilib, onlar da silahları İsrail sərhədindən Ürdün çayının qərb sahilinə keçiriblər.

İkinci strategiya isə Suriyadan başlayıb, Lübnandan keçib və silahlar qaçaqmalçılıq yolu ilə birbaşa İsrailə aparmaqdan ibarət olub. Kəşfiyyat və Terror İnformasiya Mərkəzinin tədqiqatçıları qeyd ediblər ki, “Hizbullah keçən il oktyabrın 8-də İsrailə raket zərbələri endirməyə başladıqdan sonra bu strategiyanın tətbiqi dayandırılıb. Çünki, Lübnan sərhədində İsrail təhlükəsizlik qüvvələrinin artırılması səbəbindən qismən bağlanıb”.

Quru yolu vasitəsilə daşınan silahların detallı marşurutu açıqlanıb. "Birinci marşrut Bağdaddan keçir, Ramadi şəhərindən keçir, Suriya-İraq sərhəddindəki Əl-Bukamal keçidinə çatır, sonra Suriyanın Deyr əz-Zor şəhərindən keçərək Palmiraya, oradan Dəməşqə, oradan da Beyruta gedir. İkinci marşrut Tehrandan İraqın Əl-Bəsrəsinə, oradan Bağdada, oradan da Suriya-İraq sərhədindəki “Əl-Tənf” keçidinə, oradan da Dəməşqə keçirilir. Üçüncü marşrut İrandan İraqın Əl-Muthanna şəhərinə, oradan Suriyanın Əl-Həsəkəyə, oradan Adala, oradan da Latakiyaya gedir. Bu marşrut indi qeyri-aktivdir."

Şahin Elxanoğlu

GUNAZ.TV

SON XƏBƏRLƏR