Ekoloji problemi ictimailəşdirən marağalı fəal prokurorluğa çağırılıb

SON XƏBƏRLƏR

Ekoloji problemi ictimailəşdirən marağalı fəal prokurorluğa çağırılıb

2025.01.13, 10:49

Şərqi Azərbaycan əyalətinin Marağa şəhərinin “Kave Soda” şüşə zavodunun ətraf mühiti çirkləndirməsi ilə bağlı məsələni ictimailəşdirən milli fəal Səid Minayini prokurorluğa çağırılıb.

Gunaz.tv

Bu barədə o, özünün sosial media hesabında paylaşım edib.

Fəalın prokurorluğa çağırılması, şirkətin ötən ilin noyabr ayında ondan məhkəməyə şikayət etməsi ilə bağlıdır.

Minayi keçən ilin yayında “Kave Soda” şirkətinin tullantı sularını Urmu gölünə axıtmaq üçün Binab şəhəri və ətrafında qazma işləri aparmasının təhlükələri və gələcəkdəki fəsadları haqqında yazılar paylaşdığına görə, şirkət tərəfindən məhkəməyə verilmişdi.

Qeyd edək ki, bir neçə il əvvəl adı çəkilən zavodda çirkab sularının təmizlənməsi üçün buxarlanma laqonlarının qırılması və tullantı sularının yeraltı su mənbələrinə sızması nəticəsində Binabın 500, Marağanın isə 300 hektar əkin sahəsi məhv olub.

Bundan sonra zavodun fəaiyyəti dayandırılsa da, qısa müddət sonra yenidən fəaliyyətə başlayıb.

Zavodun yaratdığı ekoloji problem səbəbindən onlarla təsərrüfatçı zərər görüb, zavod və hakimiyyət isə onlara kompensasiya ödəməkdən imtina edir.

GünazTV

GUNAZ.TV

SON XƏBƏRLƏR