Yəhya Sinvarın qardaşı HƏMAS-a lider seçildi

SON XƏBƏRLƏR

Yəhya Sinvarın qardaşı HƏMAS-a lider seçildi

2025.01.13, 12:15

Ötən ilin payızında İsrail HƏMAS qruplaşmasının lideri və 7 oktyabr hücumlarının arxasında dayanan Yəhya Sinvarı zərərsizləşdirdi. Bu HƏMAS üçün ciddi zərbə idi.

Gunaz.tv

GünazTV "The Wall Street Journal"-a istinadən xəbər verir ki, indi terror qruplaşmasının başında başqa bir Sinvar dayanır. Bu şəxs Yəhya Sinvarın kiçik qardaşı Məhəmməd Sinvardır və o, silahlı qruplaşmanı bərpa etmək üçün çalışır.

Məhəmməd Sinvar HƏMAS-ın canlanma səylərinin mərkəzində dayanan əsas fiqurdur. Oktyabr ayında İsrail əsgərləri onun qardaşını öldürəndə Qətərin paytaxtı Dohada yerləşən hərəkatın rəsmiləri yeni lider təyin etməkdənsə, kollektiv rəhbərlik şurası yaratmağa qərar verdilər.

İsraillə atəşkəs danışıqlarında iştirak edən ərəb vasitəçilərinə görə, Qəzzadakı HƏMAS terrorçuları bu qərarla barışmadı və indi gənc Sinvarın idarəsi altında muxtar şəkildə fəaliyyət göstərirlər.

Məhəmməd Sinvarın təxminən 50 yaşı olduğu güman edilir və uzun müddət özündən 10 yaş böyük olan böyük qardaşına yaxın sayılırdı. Yəhya Sinvar kimi o da erkən yaşda HƏMAS-a qoşulub. O, hərəkatın "Məhəmməd Deyf" silahlı qanadına yaxın sayılırdı.

İyirmi ildən çox İsrail həbsxanasında yatmış qardaşından fərqli olaraq, Məhəmməd Sinvar İsrail həbsxanasında çox vaxt keçirməmişdir və İsrailin təhlükəsizlik qurumlarının bu terrorçu ilə bağlı məlumatı limitlidir. Ərəb rəsmilərinin dediyinə görə, o, əsasən pərdə arxasında fəaliyyət göstərib və ona “Kölgə” ləqəbini qazandırıb.

Cənub Komandanlığının yüksək rütbəli İsrail rəsmisi mövzu ilə bağlı şərhində qeyd edib ki, "Biz onu tapmaq üçün çox çalışırıq".

Müharibədən əvvəl İsrail HƏMAS-ın 30.000-ə qədər döyüşçünün 24 batalyon arasında bölündüyünə inanırdı. İsrail ordusu indi bu mütəşəkkil strukturu məhv etdiyini və 17 minə yaxın döyüşçünü öldürdüyünü, minlərlə döyüşçünü isə saxladığını bildirir. İsrail və ərəb rəsmilərinin hələ də HƏMAS-ın nə qədər döyüşçüsü itirdiyini açıqlamayıb. HƏMAS-a yeni cəlb olunanların sayı da qeyri-müəyyən olaraq qalır.

Ş.E

GUNAZ.TV

SON XƏBƏRLƏR