Türkiyədə dəhşətli yanğın

SON XƏBƏRLƏR

Türkiyədə dəhşətli yanğın

2025.01.21, 12:24

Türkiyənin Bolu vilayətində yerləşən Kartalkaya xizək mərkəzində 12 mərtəbəli oteldə yanğın baş verib.

Gunaz.tv

GünazTV xəbər verir ki, hadisə nəticəsində 10 nəfər ölüb, 32 nəfər yaralanıb. Vəfat edənlərdən ikisi hündürlükdən atladıqları üçün ölüb.

Oteldə qalanların təxliyəsi gecə boyu davam edib. Bolu valisi Abdülaziz Aydın oteldə təxminən 234 qonağın qaldığını, yanğının restoran olan hissədə başladığını bildirib. Yaralıların ümumi vəziyyəti qənaətbəxşdir.

Hadisə yerinə şəhər mərkəzi, ətraf kəndlər və qonşu vilayətlərdən çox sayda yanğınsöndürən, AFAD, təcili tibbi qruplar, eləcə də helikopterlər göndərilib.

Ədliyyə naziri Yılmaz Tunc sosial media hesabından açıqlamasında bunları qeyd edib:

"Bolu Kartalkayada oteldə baş verən yanğın hamımızı dərindən kədərləndirdi. Yanğınla bağlı Bolu Respublika Prokurorluğu tərəfindən məhkəmə istintaqı başladıldı və 6 dövlət ittihamçısı təyin edildi. Bundan əlavə, 5 nəfərdən ibarət ekspert komissiyası yaradıldı. İstintaq ciddi şəkildə aparılır, yanğında həyatını itirən vətəndaşlarımıza Allahdan rəhmət, yaralananlara isə şəfa diləyirəm”.

Ş.E

GUNAZ.TV

SON XƏBƏRLƏR