SON XƏBƏRLƏR

Rusiyada miqrant ovu: ya müharibəyə get, ya da ölkədən çıx

2025.01.22, 11:34
Rusiyada miqrant ovu: ya müharibəyə get, ya da ölkədən çıx

Rusiyanın Rostov vilayətində miqrantlara qarşı irimiqyaslı reydlər başlayıb.

Gunaz.tv

GünazTV xəbər verir ki, bu barədə Rusiya Teleqram kanalları məlumat yayıb.

Məlumata görə, ən böyük reydlər Oqanova-Osobennoy rayonlarında keçirilir.

“Eto Rostov novosti” Teleqram kanalı yazır ki, polis miqrantlara orduya çağırış vərəqəsi təqdim edir. Vərəqəni almaqdan imtina edənlər isə ölkədən çıxarılır. Məlumata görə, yüzlərlə miqrant saxlanılıb.

Qeyd edək ki, miqrantlara qarşı reydlər yanvar ayının 20-dən kütləvi hal alıb. Daha öncə Rusiyanın hüquq-mühafizə orqanları Moskvanın "Prins Plaza” ticarət mərkəzində genişmiqyaslı reyd keçirdi. Hadisə yerində polis avtobusları, Rosqvardiya maşınları, İstintaq Komitəsinin furgonları toplaşdı.

Həmin əməliyyat zamanı saxta miqrasiya sənədləri və sərhəd keçid möhürləri hazırlayan "laboratoriya" aşkarlanıb. O vaxt 400-dən çox xarici vətəndaş və bu qanunsuz fəaliyyəti təşkil etməkdə şübhəli bilinən üç nəfər saxlanılmışdı.

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar