64 insan ölümünə səbəb olan təyyarə qəzasının səbəbi açıqlandı

SON XƏBƏRLƏR

64 insan ölümünə səbəb olan təyyarə qəzasının səbəbi açıqlandı

2025.01.31, 12:56

Yanvarın 29-u axşam saatlarında Vaşinqton yaxınlığında hərbi helikopterlə toqquşan sərnişin təyyarəsinin qəzaya uğradığı yerdə qara qutular tapılıb.

Gunaz.tv

GünazTV xəbər verir ki, bu barədə “The Guardian” qəzeti yazır.

Müstəntiqlər göyərtəsində 64 nəfərin olduğu təyyarənin kabinəsinin səs yazılarını və uçuş məlumatlarının qeydlərini tapıblar. Qara qutular Milli Nəqliyyat Təhlükəsizliyi Şurasının laboratoriyasına aparılıb. Agentlik bir ay ərzində ilkin nəticələri dərc edəcəyini vəd edib.

Rəsmilər qəzada dispetçerin səhvlərinin rol oynamasından şübhələnirlər. “The New York Times” yazır ki, Federal Aviasiya Administrasiyası təyyarənin eniş etdiyi hava limanında hava hərəkətinə nəzarət kadrlarının sayının anormal olduğunu qeyd edib. Kadr çatışmazlığı o deməkdir ki, bir nəzarətçi həm təyyarələri idarə edir, həm də vertolyotların hərəkətini koordinasiya edir, bu işi adətən iki nəfər görür.

“Qəzadan bir gün əvvəl başqa bir təyyarə helikopterlə toqquşmamaq üçün yenidən fırlanmalı olub”, - “The Washington Post” hava dispetçerinin səs yazısına istinadən yazıb.

Qəzaya uğrayan təyyarənin göyərtəsində, təlim-məşq toplanışından qayıdan gənc fiqurlu konkisürənlər, onların məşqçiləri və valideynləri olub. Boston klubu iki idmançısının, onların analarının və məşqçilərinin – Yevgeniya Şişkova və Vadim Naumovun ölümünü təsdiqləyib. Sonuncular 1994-cü ildə Cütlük Fiqurlu Konkisürmə üzrə Dünya Çempionu idilər, onların oğlu Maksim Naumov Amerika komandasını təmsil edir. Onlardan başqa təyyarədə sovet əsilli fiqurlu konkisürənlər İnna Volyanskaya və Aleksandr Kirsanov da olub. Təyyarə qəzası 2009-cu ildən bəri ABŞ-də ən çoxsayl insan itkisi ilə nəticələnən hadisə olub.

Ş.E

GUNAZ.TV

SON XƏBƏRLƏR