Contact Us

SON XƏBƏRLƏR

“Şəra ilə danışdıq, PKK/YPG məhv olunacaq” – Hakan Fidan

2025.02.05, 13:34
“Şəra ilə danışdıq, PKK/YPG məhv olunacaq” – Hakan Fidan

Dünənki səfər mühüm idi. Suriya Prezidenti Əhməd Şəra Səudiyyə Ərəbistanından sonra ikinci səfərini Türkiyəyə etdi. Şəranın PKK/YPG terror təşkilatı məsələsində fikrinin son dərəcə aydın olduğunu gördüm. Bu, Türkiyənin təhlükəsizlik ehtiyaclarını ödəyəcək səviyyədədir.

Gunaz.tv

GünazTV xəbər verir ki, bunu Türkiyə xarici işlər naziri Hakan Fidan deyib.

“Şəranın aydın olan mövqeyi bizə onu deyir ki, Suriyada tam milli birlik olacaq. Digər yandan, bütün etniklər bərabər hüquqlara malik olmalıdır. Siyasi və inzibati bölgü qəbul edilmir, bu model işləmir. Siyasi qeyri-sabitlik heç kimin xeyrinə deyil. Ölkənin birliyini təmin etmək adı ilə vətəndaşların digər hüquqlarını istisna etmək yaxşı hal deyil”, - nazir bildirib.

Hakan Fidan ABŞ-nin Suriyadakı hərbi qüvvələrini çıxarıb-çıxarmayacağı məsələsi haqda bunları söyləyib:

“Suriyalı qonaqlarımızla danışmışıq. ABŞ-dəki yeni administrasiya yeni gəlib. Tramp administrasiyası buradan gələn məlumatlarla qərar vermə prosesindədir. Həmsöhbətlərimizlə danışıqlarımız genişlənib. Son dərəcə dəqiq qərarın veriləcəyinə ümid edirik. Burada gözləntimiz ABŞ-nin YPG-yə dəstəyini dayandırması ilə əlaqəlidir. Yeni Suriya da öz yoluna davam etməlidir.

Təşkilat kənardan aldığı tapşırıqla (Suriyanın şimal-şərqində) bir düzən qurub. Bu düzən ABŞ-nin dəstəyi ilə özünü saxlayır”.

Türkiyənin baş diplomatı Suriyanın öz bütövlüyü üçün PKK-nı məhv edəcəyini də açıqlayıb:

“Suriya dövləti öz bütövlüyünü təmin etmək üçün PKK üzvlərini məhv edəcək. PKK sıralarında xidmət edən şəxslər qovulmalıdır. Əvvəlcə dinc yola baş vuracaqlar”.

Xatırladaq ki, dünən Suriya prezidentinin rəhbərlik etdiyi nümayəndə heyəti Ankarada səfərdə olub. Əhməd Şəra səfəri çərçivəsində türkiyəli həmkarı Rəcəb Tayyib Ərdoğanla görüşüb.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar