HƏMAS ərəb dövlətlərinə müraciət etdi

SON XƏBƏRLƏR

HƏMAS ərəb dövlətlərinə müraciət etdi

2025.02.07, 12:54

HƏMAS terror təşkilatı ABŞ Prezidenti Donald Trampın son bəyanatlarından sonra ərəb liderlərini Qəzza zolağındakı vəziyyətlə bağlı təcili toplantı keçirməyə çağırıb.

Gunaz.tv

GünazTV "The Guardian"-a istinadən xəbər verir ki, HƏMAS nümayəndəsi Hazem Qasemin müvafiq bəyanatı hərəkatın "Telegram" kanalında yerləşdirilib.

"Biz Trampın bəyanatlarını qətiyyətlə rədd edirik. Qəzza yalnız onun sakinlərinə məxsusdur və onlar oranı tərk etməyəcəklər. Bununla əlaqədar biz ərəb ölkələrinin başçılarından təcili toplantı keçirməyi və fələstinlilərin zorla çıxarılması planlarına qarşı çıxmaq yollarını müzakirə etməyi tələb edirik", - Qasem belə deyib.

Oktyabrın 7-də törədilən hücumlara rəhbərlik edən terror qruplaşması daha əvvəl də bu təklifi “qəti şəkildə rədd etdiyini” bildirmişdi.

Xatırladaq ki, fevralın 4-də Donald Tramp Ağ Evdə danışıqlardan sonra Benyamin Netanyahu ilə birgə mətbuat konfransında Vaşinqtonun Yaxın Şərqdə sülhün bərqərar olması naminə onu inkişaf etdirmək üçün Qəzza zolağına uzunmüddətli sahiblik etməyi nəzərdən keçirdiyini bildirib. Ərəb ölkələri, İran rejimi və bir sıra Qərb dövlətləri Trampın bu ideyasına qarşı çıxıblar.

6 fevral səhər saatlarında isə Tramp Qəzza sakinlərinin daha təhlükəsiz və daha gözəl bölgələrə, yeni və müasir evlərə köçürülə biləcəyini vəd edib. Beləliklə Qəzza sakinlərinin əslində xoşbəxt, təhlükəsiz və azad olmaq şansına sahib olacağını iddia etdi.

Ş.E

GUNAZ.TV

SON XƏBƏRLƏR