Əsədin qətliamlarını ifşa edən şəxsin kimliyi bilindi

SON XƏBƏRLƏR

Əsədin qətliamlarını ifşa edən şəxsin kimliyi bilindi

2025.02.07, 15:10

Suriyada insanlığa qarşı cinayətlərin sübutu olaraq çəkdiyi fotoşəkilləri qaçaqmalçılıq yolu ilə çıxaran Sezar ləqəbli şəxsin kimliyi məlum olub.

Gunaz.tv

GünazTV Axar.az-a istinadən xəbər verir ki, “Əl Ərəbiyyə” həmin şəxsin Fərid əl-Mədhan olduğunu yazıb.

“Mən baş leytenant Fərid əl-Mədhan, Dəməşq hərbi polisinin məhkəmə ekspertizası şöbəsinin rəisi, azad Suriyanın Sezar kimi tanınan oğluyam. Suriya inqilabının beşiyi olan Dəra şəhərindənəm. Dəməşqdə Hərbi Polis Komandanlığında işləyirdim və əl-Tall şəhərində yaşayırdım. 2011-ci ildə Suriya münaqişəsi başlayandan bəri missiyam Dəməşq şəhərində hərbi və nəzarət-buraxılış məntəqələrində, eləcə də azadlıq və ləyaqət tələbi ilə etiraz meydanlarında həbs edilmiş qoca, qadın və uşaqlar da daxil olmaqla həbs qurbanlarının cəsədlərinin fotoşəkillərini çəkmək olub. Təhlükəsizlik qüvvələrinin rəhbərləri həbs qurbanlarının cəsədlərinin fotoşəkilləri vasitəsilə Əsəd rejiminə tam sədaqətlərini ifadə edirdilər. Suriya inqilabının əvvəlində cəsədlərin sayı gündə 10-15 arası idi, amma sonradan 50-yə çatdı”, - əl-Mədhan bildirib.

O, 2014-cü ildə Suriya həbsxanalarının vəhşiliyini əks etdirən 55 min fotoşəkillə ölkədən qaçıb. Fotoların rejim qüvvələri tərəfindən işgəncələrə məruz qalaraq öldürülən 11 min insana aid olduğu güman edilir.

Qeyd edək ki, ilk dəfə 2014-cü ildə “Anadolu” agentliyi tərəfindən dərc edilən “Sezar dosyesi” 55 min fotoşəkil vasitəsilə Əsəd rejiminin sistematik işgəncələrini sənədləşdirib.

Ş.E

GUNAZ.TV

SON XƏBƏRLƏR