Contact Us

SON XƏBƏRLƏR

KİV: İlham Əliyev Paşinyanla görüşə bilər

2025.02.11, 12:42
KİV: İlham Əliyev Paşinyanla görüşə bilər

61-ci Münhen Təhlükəsizlik Konfransı (MTK) fevralın 14-16-da Almaniyada keçiriləcək və 60-dan çox dövlət və hökumət başçısı iştirak edəcək.

Gunaz.tv

GünazTV Unikal-a istinadla xəbər verir ki, bu barədə xarici KİV yazıb.

Məlumata görə, Münhen Təhlükəsizlik Konfransının prezidenti Kristof Heusgenin sədrlik edəcəyi konfransı Almaniya Prezidenti Frank-Valter Ştaynmayer açacaq.

Azərbaycan və Ermənistan liderləri konfransda iştirak edəcəklərini rəsmən açıqlamasalar da, bəzi məlumatlara görə, həm İlham Əliyev, həm də Nikol Paşinyan Münhendə olacaq.

Ölkəmizin lideri və Paşinyanın Münhen Təhlükəsizlik Konfransı platformasında zəngin görüş təcrübələri var. Almaniyanın bu şəhərində keçirilən konfranslarda hər iki liderin görüşləri silsiləsi 2020-ci ilin fevralında onların həm təkbətək görüşü, həm də münaqişə ilə bağlı ictimai müzakirə zamanı başlayıb. Onlar ABŞ-Rusiya Fondunun prezidenti və icraçı direktoru Selest Uolenderin moderatorluğu ilə “Dağlıq Qarabağ üzrə yenilik” adlı müzakirədə iştirak ediblər.

Həmin müzakirədən sonra Paşinyan Feysbuk səhifəsində “Münhen prinsipləri” adlı 6 bəndlik yazı dərc edib və sonrakı illərdə o prinsiplərdən geriyə heç nə qalmayıb. Üstəlik, həmin müzakirədən və Münhen prinsiplərindən bir neçə ay sonra Qarabağda müharibə başladı... 2022-ci ildə keçirilən konfransda da Paşinyan da iştirak edib. İlham Əliyev 2023-cü ildə ABŞ-nin keçmiş dövlət katibi Entoni Blinkenin təşəbbüsü ilə Münhen Təhlükəsizlik Konfransında Paşinyanla görüşüb.

Ötən il, 2024-cü ilin fevralında da hər iki lider Almaniya kansleri Olaf Şoltsun təşəbbüsü ilə Münhendə görüşüblər. Bu, artıq Brüssel danışıqlar formatının iflasa uğradığı və Qərbin danışıqlar platformasını bərpa etməyə çalışdığı mərhələ idi.

Azərbaycan və Ermənistan liderlərinin bu dəfə Almaniya tərəfinin təşəbbüsü və ya birbaşa formatda yenidən görüşəcəyi istisna edilmir.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar