Contact Us

SON XƏBƏRLƏR

Mühacirlər Qərbi Azərbaycanda Novruz mitinqi keçirəcək

2025.03.01, 13:29
Mühacirlər Qərbi Azərbaycanda Novruz mitinqi keçirəcək

Qərbi Azərbaycan yalətində yaşayan mühacir kürdlər bir neçə şəhərdə yaz bayramı, "Novruz şənliyi" adı altında mitinq keçirəcəklər.

Gunaz.tv

Bu barədə yerli mənbələr məlumatyayıb.

Məlumata görə, "bayram mitinqi"nin keçirilməsi üçün əlaqədar dövlət qurumlarından rəsmi icazə alınıb.

Bununla yanaşı əyalətin Maku şəhərində ilk çərşənbə münasibəti ilə də mərasim keçirilib.

Başqa bölgələrdən, xüsusən kürdüstan əyalətindən Makuya gətirilən şəxslərin iştirak etdiyi mərasimdə kürd atributları nümayiş etdiilib, Azərbaycan şəhəri kürd bölgəsi kimi təqdim olunub.

Türk mədəniyyət xadimləri və vətəndaşlar oxşar mərasimlərin keçirilməsi ilə bağlı və icazə almaq üçün əlaqədar dövlət qurumlarına müraciət etsələr də, hələlik cavab ala bilməyiblər.

Bu narazılıqla qarşılaşıb və türk fəallar bunu hakimiyyətin məqsədli şəkildə Qərbi Azərbaycanı kürd bölgəsi kimi qələmə vermək cəhdi adlandırıblar.

Bununla yanaşı bu, Təbrizdə rəsmi icazə ilə fəaliyyət göstərən elektron nəşr və sosial media kanallarının da etirazları ilə qarşılaşıb.

Xatırladaq ki, mühacirlərin bayram mərasimləri bir neçə il əvvəldən Qərbi Azərbaycan əyalətinin miliyyətcə kürd olan keçmiş valisi Məhəmməd Sadiq Mötəmedian dövründən başlayıb.

İranın bir sıra media qurumları isə həmin mərasimləri "kürdlərin Qərbi Azərbyacanda möhtəşəm bayram şənliyi" başlığı ilə tirajlayaraq, əyalətin kürdlərə aid olduğu fikrini aşılayıb.

Hazırda əyalətə miliyyətcə türk olan Rza Rəhmani vali təyin edilsə də, Mötəmedian dövründə başlayan Azərbaycan torpaqlarına iddia xarakterli "ənənə" davam edir.

Qeyd edək ki, mühacirlərin bu və başqa mərasimləri təhlükəsizlik və SEPAH-a yaxınlığı ilə tanınan, keçmiş narkobaron və hazırda "xeyriyyəçi iş adamı" kimi qələmə verilə Naci Şərif Zindəştinin maliyyə dəstəyi ilə keçirilir.

Budan əvvəl narkotik maddələrin alveri və qətldə ittiham olunan Zindəşti, bir müddət sonra həbsdən buraxılaraq Türkiyəyə gedib.

Orada əməllərini davam etdirən narkobaron, həm də, Türkiyədə yaşayan Tehran hökumətinin müxaliflərinin oğurlanaraq İrana gətirilməsi ilə məşğul olub.

Bir neçə ağır cinayətdə ittiham edilərək həbs olunan Naci Şərif Zindəşti, sonradan müəmmalı şəkildə Türkiyədə də həbsdən buraxılıb və İrana qayıdaraq, Qərbi azərbaycanda böyük "biznes" şəbəkəsi qurub.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar