Ukrayna Fransaya Rusiyanın dondurulmuş aktivləri hesabına birgə silah istehsalını təklif edib

SON XƏBƏRLƏR

Ukrayna Fransaya Rusiyanın dondurulmuş aktivləri hesabına birgə silah istehsalını təklif edib

2025.03.01, 15:20

Ukrayna Fransaya Rusiyanın dondurulmuş aktivlərindən əldə edilən gəlirlər hesabına maliyyələşdirilməsi planlaşdırılan birgə silah istehsalının yaradılmasını təklif edib.

Gunaz.tv

GünazTV “Report”-a istinadən xəbər verir ki, bu barədə “RBK-Ukrayna” məlumat paylaşıb.

Ukrayna müdafiə nazirinin müavini Sergey Boyev Fransa prezidentinin Ukraynaya yardım və yenidənqurma üzrə xüsusi nümayəndəsi Pyer Elbron ilə görüşündə silah istehsalı perspektivlərini müzakirə edib.

“Ukrayna cari ehtiyaclara uyğun olaraq Fransanın müdafiə şirkətləri ilə birgə müəssisələrin yaradılmasını təklif edir. Müdafiə Nazirliyi Rusiyanın dondurulmuş aktivlərindən əldə ediləcək faizlər hesabına maliyyələşdirilə bilinəcək bir neçə layihə təklif edib”, - məlumatda deyilir.

Nazir müavininin sözlərinə görə, Ukraynanın kritik ehtiyacları arasında hava hücumundan müdafiə və raketdən müdafiə sistemləri, ələkeçirici raketlər, ağır zirehli maşınlar və döyüş sursatları var.

“İnvestisiyalar və istehsalın inkişafı ilə yanaşı, Ukrayna hazır silahlar əldə etməkdə də maraqlıdır. Ehtiyaclar əhəmiyyətli olaraq qalır, cəbhədə vəziyyət dinamikdir, ona görə də tez qərar qəbul etmək lazımdır”, - Boyev qeyd edib.

Ş.E

GUNAZ.TV

SON XƏBƏRLƏR