Amerika dövlət Departamenti: İrana iqtisadi rahatlıq gətirən bütün elemenlər nəzarətdədir

SON XƏBƏRLƏR

Amerika dövlət Departamenti: İrana iqtisadi rahatlıq gətirən bütün elemenlər nəzarətdədir

2025.03.07, 14:02

Amerika Dövlət Departamentinin sözçüsü cümə axşamı bildirib ki, Amerika İrana istənilən dərəcədə iqtisadi rahatlıq təmin edən bütün mövcud sanksiyalardan imtinanı nəzərdən keçirir və İraq hökumətini İranın enerji mənbələrindən asılılığını tez bir zamanda aradan qaldırmağa çağırır.

Gunaz.tv

Dövlət Departamentinin sözçüsü Temmi Brus bu haqda keçirdiyi brifinqdə danışıb.

"Biz İrana istənilən dərəcədə iqtisadi və ya maliyyə yardımı təmin etmək şansı olan bütün mövcud sanksiyalardan imtina etmək üçün sənədləri nəzərdən keçiririk."

Temmi Brus İraqın İrandan enerji asılılığının azaldılmasının önəmini vurğulayıb:

“Biz İraq hökumətini İranın enerji mənbələrindən asılılığını tez bir zamanda aradan qaldırmağa çağırırıq və İraqın baş nazirinin enerji müstəqilliyinə nail olmaq öhdəliyini alqışlayırıq”. - deyə o bildirib.

Qeyd edək ki, Amerika hökuməti İranın nüvə silahı inkişafını ləngitmək üçün İranı qlobal iqtisadiyyatdan təcrid etmək və neft ixracından əldə olunan gəlirləri aradan qaldırmaq istədiyini bildirib. Trampın İrana qarşı “maksimum təzyiq” kampaniyasını bərpa etməsi onun yanvarın sonunda vəzifəyə qayıtdıqdan sonra ilk addımlarından biri olub. Amerika nüvə proqramına və silahlı təşkilatlara dəstək verdiyinə görə Tehrana qarşı bir sıra sanksiyalar tətbiq edərək, İranla işləyən ölkələrin Amerika ilə iş görməsini faktiki olaraq qadağan edib.

- Cəfər Cəfərli

GUNAZ.TV

SON XƏBƏRLƏR