Ər-Riyad görüşü Ukrayna üçün dönüş nöqtəsi ola bilər

SON XƏBƏRLƏR

Ər-Riyad görüşü Ukrayna üçün dönüş nöqtəsi ola bilər

2025.03.10, 12:52

Dövlət katibi Marko Rubio, prezidentin milli təhlükəsizlik məsələləri üzrə köməkçisi Mayk Vals və xüsusi elçi Stiven Vitkovun başçılıq etdiyi Amerika nümayəndə heyəti Ukraynanın Rusiya ilə münaqişənin həllində güzəştə getməyə hazırlığını qiymətləndirmək niyyətindədir.

Gunaz.tv

GünazTV xəbər verir ki, bu barədə "Reuters" agentliyi mənbələrə istinadən məlumat yayıb.

Mənbənin sözlərinə görə, ABŞ Kiyevin sülhə nail olmaq üçün əhəmiyyətli güzəştlərə getməyə hazır olub-olmadığını müəyyən etmək istəyir. Bundan əlavə, Amerika tərəfi fevralda Volodimir Zelenski ilə Donald Tramp arasında baş vermiş münaqişədən sonra Ukraynanın mövqeyinə aydınlıq gətirmək niyyətindədir.

Agentliyin mənbələrindən biri qeyd edib ki, eyni vaxtda sülh arzusunu bəyan edib, güzəştə getməkdən imtina etmək olmaz.

Milli Təhlükəsizlik Şurasının sözçüsü Brayan Hughes deyib ki, Zelenski 28 fevral hadisəsindən sonra Vaşinqtonla dialoqu bərpa etmək üçün addımlar atır. "Səudiyyə Ərəbistanındakı görüş müharibənin sonunu yaxınlaşdıran dönüş nöqtəsi ola bilər", - o vurğulayıb.

Ş.E

GUNAZ.TV

SON XƏBƏRLƏR