Tramp Tehranı sıxışdırdığı dövürdə Çin və Rusiya İranı dəstəkləyir

SON XƏBƏRLƏR

Tramp Tehranı sıxışdırdığı dövürdə Çin və Rusiya İranı dəstəkləyir

2025.03.14, 12:18

ABŞ-ın Tehranla nüvə danışıqlarını bərpa etməsini tələb etdiyi dövrdə Çin və Rusiya İrana dəstək olublar.

Gunaz.tv

GünazTV "Reuters"-ə istinadla xəbər verir ki, yüksək səviyyəli Çin və Rusiya diplomatları dialoqun yalnız "qarşılıqlı hörmət" əsasında davam etdirilməli olduğunu və bütün sanksiyaların ləğv edilməli olduğunu bildiriblər.

Pekində İranla danışıqlardan sonra verilən birgə bəyanatda, Pekin və Moskva da İranın nüvə proqramının dinc məqsədlər üçün inkişaf etdirdiyini iddia ediblər. Onlar İranın nüvə enerjisindən dinc məqsədlərlə istifadə etmək hüququna “hörmətlə” yanaşmalı olduğunu bildirdilər.

"Çin, Rusiya və İran müvafiq tərəflərin (ABŞ - red.) mövcud vəziyyətin əsas səbəbini həll etmək, sanksiyalardan, təzyiqlərdən və ya güc təhdidindən əl çəkmək öhdəliyinə sadiq qalmalıdırlar", - Çinin xarici işlər nazirinin müavini Ma Zhaoxu görüşdən sonra jurnalistlərə bildirib.

Çin, Rusiya və İran bütün "qanunsuz" birtərəfli sanksiyaların ləğv edilməsinin vacibliyini vurğuladılar, Ma əlavə etdi.

Ma-nın Rusiya xarici işlər nazirinin müavini Sergey Ryabkov və İranın xarici işlər nazirinin müavini Kazım Qaribabadi ilə görüşü Tehranın ABŞ-ın nüvə proqramı ilə bağlı dialoqu bərpa etmək “mesajlarını” rədd etməsindən bir neçə gün sonraya təsadüf edib.

Xatırladaq ki, keçən həftə Tramp Əli Xameneyə nüvə danışıqları təklifi ilə məktub göndərdiyini deyib və əlavə edib ki, “İranın iki yolu var: ya razılıq yolu ya da hərbi yol”.

İran prezidenti Məsud Pezeşkian cavab verib ki, o, ABŞ təhdid dili ilə danışmağa davam edərsə, danışıqlara getməyəcək və İran ABŞ-ın “əmrlərinə” boyun əyməyəcək.

İran uzun müddətdir ki, nüvə silahı yaratmaq üzərində işlədiyini inkar edir. Lakin Beynəlxalq Atom Enerjisi Agentliyi keçən ay xəbərdarlıq etmişdi ki, Tehran uranın 60% saflığa qədər zənginləşdirilməsini "kəskin şəkildə" artırıb və təqribən 90% silah əldə etmə səviyyəsinə qədər çatdırıb.

Şahin Elxanoğlu

GUNAZ.TV

SON XƏBƏRLƏR