Contact Us

SON XƏBƏRLƏR

BMT nümayəndəsi: "1,2 milyon suriyalı vətənlərinə qayıdıb"

2025.03.21, 11:38
BMT nümayəndəsi: "1,2 milyon suriyalı vətənlərinə qayıdıb"

"2024-cü ilin dekabrından bəri 1,2 milyon insan Suriyada öz evlərinə qayıdıb. Onlardan 885 mini məcburi köçkün, 302 mini isə qaçqın olub".

Gunaz.tv

GünazTV Teleqraf-a istinadən xəbər verir ki, bunu BMT baş katibinin xüsusi nümayəndəsi Adam Abdelmoula qurumun Nyu-Yorkdakı Baş Qərargahında keçirilən gündəlik mətbuat konfransında bildirib.

"Suriya kritik dönüş nöqtəsindədir. Lakin 14 illik münaqişə və 16,5 milyon insanın humanitar yardıma ehtiyacı olması Suriyanı dünyanın ən böhranlı ölkəsinə çevirib", - Abdelmoula deyib.

O, Türkiyədən gələn yardım karvanlarının sayının ilin əvvəlindən bu yana 678-ə çatdığını bildirib.

"2024-cü ildən etibarən göndərilən yardımlarda yeddi qat artım olub, bu il Türkiyədən 678-dən çox yük maşını gəlib", - Abdelmoula bildirib.

BMT koordinatoru həmçinin Suriyada minaların böyük təhlükə yaratdığını və 2024-cü ilin dekabrından bu yana 600-dən çox insanın onun qurbanı olduğunu bildirib.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar