Contact Us

SON XƏBƏRLƏR

İsrail ordusu HƏMAS sözçüsünü məhv etdi

2025.03.27, 12:00
İsrail ordusu HƏMAS sözçüsünü məhv etdi

HƏMAS-ın sözçüsü Əbdül-Lətif əl-Qanua İsrail qırıcılarının Qəzzanın şimalında onun sığınacağını bombalaması nəticəsində həlak olub.

Gunaz.tv

GünazTV xəbər verir ki, Əl-Əqsa televiziyası və Şehab Xəbər Agentliyinin verdiyi məlumata görə, cümə axşamı səhər saatlarında İsrail qırıcılarının Cəbəliyə əyalətinin şimalındakı çadır sığınacağını bombalaması nəticəsində Həmas sözçüsü Əbdül-Lətif əl-Qanua həlak olub.

Fələstin Xalq Müqavimət Hərəkatı verdiyi açıqlamada İsrailin əl-Qanuanı məhv etdiyini təsdiqləyib.

Qeyd edək ki, Əl-Qanua HƏMAS-ın Qəzzadakı ən tanınmış sözçülərindən biri idi və o, döyüşlər zamanı mediada çıxışlardan qaçsa da, atəşkəsdən sonra ərəb xəbər kanallarına çoxsaylı müsahibələr verib.

İsrail mediasının verdiyi məlumata görə, Əl-Qanua 2000-ci ildə İkinci İntifada zamanı HƏMAS-a qoşulub. Universiteti bitirdikdən sonra HƏMAS-ın Qəzza zolağının media ofislərində media direktoru vəzifəsində işlədiyi bildirilir. 2016-cı ildə terror qruplaşmasının rəsmi sözçüsü vəzifəsinə təyin edilib.

Xatırladaq ki, bu həftənin əvvəlində İsrail HƏMAS-ın siyasi ofisinin üzvü İsmayıl Barhumu və digər yüksək səviyyəli lider Salah əl-Bərdavili öldürüb.

Həm əl-Bərdavil, həm də Barhum, HƏMAS mənbələrinə görə, 20 üzvdən ibarət qərar qəbuledici orqanın üzvləri idilər. 20 üzvdən 11-i 2023-cü ilin sonunda müharibə başlayandan bəri öldürüldü.

 

 

Şahin Elxanoğlu

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar