Bəşər Əsədin gizli əməliyyatı ifşa oldu

SON XƏBƏRLƏR

Bəşər Əsədin gizli əməliyyatı ifşa oldu

2025.04.17, 13:30

Suriyanın devrilmiş lideri Bəşər Əsədin ötən ilin dekabrında Rusiyaya qaçmazdan əvvəl şəxsi təyyarələri ilə qiymətli əşyalarını, köməkçilərini, prezident sarayının əməkdaşlarını və gizli sənədlərini Birləşmiş Ərəb Əmirliklərinə aparıb.

Gunaz.tv

GünazTV "AzPolitika"-ya istinadla xəbər verir ki, bu barədə "Reuters" məlumat yayıb.

Məlumata görə, "C5-SKY" təyyarəsi Rusiya və BƏƏ-nin koordinasiyası ilə Suriyadan Əbu-Dabiyə 4 gizli uçuş həyata keçirib. Uçuş izləmə qeydləri, peyk görüntüləri və Hərbi Hava Qüvvələri Kəşfiyyatının mənbəsinə əsasən, dördüncü uçuş dekabrın 8-də Suriyanın Latakiya yaxınlığındakı Rusiyaya məxsus Hmeymim hərbi hava bazasından həyata keçirilib. Əsəd özü də həmin gün həmin bazadan Rusiyaya qaçıb.

Qeyd olunur ki, bütün bu əməliyyatı idarə edən şəxs Əsədin baş iqtisadi müşaviri Yaşar İbrahim olub.

Həmçinin Əhməd Xəlilin əməliyyat zamanı Suriya İslam Bankı hesabından çıxarılan 500 min dollarla Hmeymimdən sonuncu təyyarəyə mindiyi qeyd edilib.

Qeyd edək ki, Rusiya və BƏƏ xarici işlər nazirlikləri əməliyyatla bağlı suallara cavab verməyiblər.

GUNAZ.TV

SON XƏBƏRLƏR