Contact Us

SON XƏBƏRLƏR

Amerika və Ukrayna çoxdan gözlənilən təbii sərvətlərlə bağlı sazişi imzaladı

2025.05.01, 12:56
Amerika və Ukrayna çoxdan gözlənilən təbii sərvətlərlə bağlı sazişi imzaladı

Amerika aylarla davam edən gərgin danışıqlardan sonra Kiyevlə Ukraynanın mineral və enerji ehtiyatlarının gələcək satışından əldə olunan gəliri bölüşdürmək üçün müqavilə imzalayıb.

Gunaz.tv

GünazTV "BBC"-yə istinadla xəbər verir ki, razılaşmanın məqsədi Amerikanın Ukraynanın müdafiəsi və yenidən qurulmasına sərmayə qoymağa davam etməsi üçün iqtisadi stimul yaratmaq və Vaşinqtonun töhfə verdiyi yardımın miqdarı ilə bağlı narahatlığını aradan qaldırmaqdır.

Ukraynanın qrafit, titan və litium kimi kritik mineralların böyük ehtiyatlarına malik olduğuna inanılır. Onlar bərpa olunan enerji, hərbi texnologiya və infrastrukturda istifadə edildiyinə görə çox tələb olunan minerallardır.

Amerikanın maliyyə naziri Skot Besent deyib ki, bu, sazişin imzalanması hər iki tərəfin Ukraynada davamlı sülh və firavanlığa sadiq olduğunu nümayiş etdirir. Müqavilə həm də Ukraynanın müharibədən sonra iqtisadiyyatını bərpa etmək üçün investisiya fondunun yaradılmasını nəzərdə tutur.

Amerika Maliyyə Nazirliyinin çərşənbə günü günortadan sonra verdiyi açıqlamaya görə, yeni yaradılmış Amerika-Ukrayna Yenidənqurma İnvestisiya Fondu Rusiyanın işğalçı müharibəsinin başlatmasından bəri Amerikanın Ukraynaya verdiyi ən əhəmiyyətli maliyyə dəstəyidir.

Amerikanın maliyyə naziri video bəyanatında bildirib ki, saziş Ukraynanın aktivlərinin artmasına kömək edəcək. Kreml hələlik razılaşmaya cavab verməyib. Kiyev üçün bu saziş, Amerikanın hərbi yardımına çıxışı üçün vacib hesab olunur.

Çərşənbə günü sazişi imzalamaq üçün Vaşinqtona uçan Ukraynanın baş nazirinin müavini Yuliya Svırıdenko X hesabındakı paylaşımında bildirib ki, yeni fond Ukraynaya qlobal sərmayələri cəlb edəcək.

Sazişin müddəalarını sadalayaraq, o bildirib ki, bu, faydalı qazıntılar, neft və qaz layihələrini əhatə edəcək. Ehtiyatlar Ukraynanın mülkiyyətində qalacaq.

O əlavə edib ki, tərəfdaşlıq 50/50 əsasında bərabər olacaq və Kiyevdəki qanunvericilər tərəfindən ratifikasiya edilməlidir. 

Saziş layihəsi Amerikanın gələcək təhlükəsizlik yardımı müqabilində Ukraynanın təbii sərvətlərinin bir hissəsinə çıxış imkanı verəcəyini göstərir.

Lakin bu, Trampın müharibə başlayandan bəri Ukraynaya verdiyi bütün hərbi yardımların geri qaytarılmasını tələb etdiyindən xeyli azdır.

Görünən odur ki, Ukrayna prezidenti Volodimir Zelenski Vaşinqtondan bəzi güzəştləri əldə etməyi bacarıb.

 

 

Şahin Elxanoğlu

Açar Sözlər :

SEÇİLMİŞ XƏBƏRLƏR

Çox oxunanlar