Lübnan HƏMAS-ı raket hücumlarında şübhəli bilinənləri təhvil verməyə çağırıb

SON XƏBƏRLƏR

Lübnan HƏMAS-ı raket hücumlarında şübhəli bilinənləri təhvil verməyə çağırıb

2025.05.01, 13:50

Lübnanlı yüksək səviyyəli bir mənbənin iddiasına əsasən, Lübnan rəsmiləri HƏMAS-dan Lübnanın cənubundakı Litani çayının şimalında yerləşən iki şəhərdən İsrailin Metula və Kiryat Şmona yaşayış məntəqələrinə son atılan raket hücumlarında əli olan şəxslərin təhvil verməsini tələb edəcək.

Gunaz.tv

Mənbə bildirib ki, bu tələb Ali Müdafiə Şurasının cümə gününə planlaşdırılan və prezident Cozef Aunun sədrliyi ilə keçiriləcək ilk iclasının gündəliyinə daxil olacaq.

Şuranın həmçinin Beyrutun atəşkəs razılaşmasına birtərəfli öhdəliyi fonunda Lübnanın cənubundakı təhlükəsizlik vəziyyətini müzakirə edəcəyi gözlənilir. Sessiya daha sonra yerli sakinlərin Lübnan Ordusu ilə koordinasiyanın olmaması səbəbi ilə BMT sülhməramlılarının müəyyən kəndlərə daxil olmasını əngəllədiyi son hadisələri müzakirə edəcək.

Əlavə mövzulara bu bazar günü Cəbəl-Lübnan vilayətində bələdiyyə seçkilərinin birinci turu öncəsi Daxili İşlər Nazirliyi və Bələdiyyələr tərəfindən maddi-texniki, inzibati və təhlükəsizlik hazırlıqları daxildir.

Mənbənin sözlərinə görə, Lübnan ordusunun kəşfiyyat idarəsi raket hücumlarında iştirak edən saxlanılan şübhəlilərlə sorğu-suallar əsasında axtarışda olan HƏMAS üzvlərinin siyahısını tərtib edib.

Mənbə şübhəlilərin Fələstin qaçqın düşərgələrində, xüsusən də HƏMAS-ın ekstremist qruplaşmaların nəzarətində olan məhəllələrdə sığınmış ola biləcəyini bildirib.

Mənbə iddia edib ki, Fələstin silahları İsrailin hücumlarına qarşı müdafiə məqsədini itirib və hazırda əsasən daxili münaqişə və yaxınlıqdakı icmaları təhlükə altına almaq üçün istifadə olunur.

Lübnan yaxınlıqdakı şəhərlərin, xüsusən də Litani çayına yaxın olan yaşayış məntəqələrin hərbiləşdirilməsinin qarşısını almaq üçün düşərgələrin ətrafında mühafizə tədbirlərini gücləndirir.

Şahin Elxanoğlu

GUNAZ.TV

SON XƏBƏRLƏR