İran ehtiyatlı oynayır: İncə buz üzərində olduğunu anlayır

SON XƏBƏRLƏR

İran ehtiyatlı oynayır: İncə buz üzərində olduğunu anlayır - ANALİZ

2025.05.07, 13:04

İran Husilərin Amerika ilə əldə etdiyi razılaşmanı yaxından izləyir. Oman bu razılaşmanın əldə olunmasına vasitəçilik etdi. İran Amerika prezidenti Donald Trampın regiona səfər planlarını izləyir və Amerika ilə danışıqları davam etdirməyə çalışır.

Gunaz.tv

GünazTV xəbər verir ki, "Jerusalem Post" analitikləri İran ətrafında cərəyan edən siyasi prosesləri şərh ediblər.

Amerika və İran arasında mayın 3-də baş tutmalı olan danışıqların dördüncü raundu təxirə salınıb. Bu, husilərin İsrailə hücumlarını artırdığı vaxt baş verib. Çox güman ki, husilər Omanda Amerika ilə razılaşmaq üçün masaya gəlmək ərəfəsində idi.

İranın xarici işlər naziri Tramp administrasiyasının danışıqlara yanaşmasında dəyişiklik etməsinə qəzəblənib. Amerika İranın nüvə proqramının ləğvini tələb edərək, mövqeyini sərtləşdirmiş kimi görünür.

İran bu şərtlə razılaşmayacaq. O, nüvə proqramından məhrum ediləcəyi “Liviya modeli”ndən imtina edir. İranın xarici işlər naziri Amerikanın siyasətindəki dəyişikliklərə etiraz edərkən bu həftə Pakistana səfərə çıxmışdı. O, danışıqları sabotaj etməkdə İsraili və israilyönlü səsləri günahlandırıb.

İndi İran bildirir ki, Amerika ilə növbəti danışıqların tarixi dəqiqləşdirilməlidir.

On Thin Ice: The Iran Nuclear Deal at Three | Crisis Group

İRNA-nın xəbərinə görə, İran Xarici İşlər Nazirliyinin sözçüsü bildirib ki, danışıqların tarixi və yeri dəqiqləşən kimi, lazımi məlumat İran və Amerika arasında vasitəçi olan Oman xarici işlər naziri tərəfindən veriləcək. Lakin hələlik konkret tarix müəyyən edilməyib.

Böyük Britaniya terror planı hazırlamaqda ittiham olunan 7 iranlını həbs edib. İran İngiltərəyə araşdırmada kömək edəcəyini bildirib. İran dövlət mediası qeyd edib ki, “Britaniya polisi bazar günü “terrorçuluq cinayətləri” şübhəsi ilə ayrı-ayrı əməliyyatlar zamanı yeddi İran vətəndaşı da daxil olmaqla səkkiz nəfəri həbs edib”.

İranın xarici işlər naziri indi deyir: “Əgər qanun pozuntusu ilə bağlı etibarlı iddialar aşkar olunarsa, İran təhqiqatlara kömək etməyə hazırdır. Biz Böyük Britaniyanı vətəndaşlarımızın hüquqlarına hörmətlə yanaşmağa və onlara lazımi prosedur təqdim etməyə çağırırıq”.

UK arrests 8, including 7 Iranians, over suspected terror plots | The Times of Israel

Amerika - İran danışıqlarının növbəti raundunun tarixinin qeyri-məyyən olaraq qalması, daha öncə baş tutan danışıqlarda İranın istədiyi nəticəni əldə edə bilməməsi, Böyük Britaniyada terror planı hazırlamaqda şübhəli bilinən 7 şəxsin həbs edilməsi İranın geosiyasi vəziyyətini ağırlaşdırır. Bütün bunlar İranın incə buz üzərində olduğunu göstərir. Aydındır ki, İran bütün bu işlərdən narahatdır. Keçmiş illərdə İran açıq şəkildə Husiləri dəstəkləyib, Amerikanı və ya Avropanı ittiham edərdi. İndi isə İran nazik buz üzərində olduğunu anlayır.

İran Amerika ilə razılaşma əldə etmək istəyir və bu gün Avropa ilə dostluq münasibətləri qurmaq istəyir. İsrailin Suriyaya hava hücumlarını və digər hərəkətlərini pisləməklə İsraili təcrid etməyə çalışır. Bununla belə, ümumilikdə İran Tramp administrasiyasının növbəti addımlarını diqqətlə izləyir.

Şahin Elxanoğlu

GUNAZ.TV

SON XƏBƏRLƏR